Markaziy Osiyo Osiyo va Yevropa o‘rtasidagi ko‘prik sifatida muhim rol o‘ynaydi. Bu haqda mintaqaga qilgan to‘rt kunlik safari yakunlari bo‘yicha Shveysariya Konfederatsiyasi prezidenti va tashqi ishlar vaziri, Yevropada xavfsizlik va hamkorlik tashkilotining amaldagi raisi Didye Burkxalter aytib o‘tdi, deb yozadi UzDaily.
Nashrning eslatishicha, Burkxalter 19—22-noyabr kunlari Turkmaniston, Qozog‘iston, O‘zbekiston, Tojikiston va Qirg‘izistonga tashrif buyurdi. U Markaziy Osiyo davlatlari rahbarlari bilan YeXHTning mintaqadagi faoliyatini hamda YeXHT mintaqasidagi xavfsizlik masalalarini, jumladan Ukrainadagi inqirozni muhokama qildi.
Didye Burkxalter mintaqa katta potensialga ega ekanligini aytdi. Uning ta’kidlashicha, bu yerda iqtisodiy va ekologik sohalardagi hamkorlik orqali xavfsizlikni mustahkamlash uchun YeXHTdan yanada kengroq foydalanish imkoniyati bor.
Izoh (0)