Vashington shtatidagi yahudiy muzeyi oldida 21-may kuni Isroil elchixonasining ikki xodimi otib tashlandi. Bu haqda BBC xabar berdi.
Ma’lum qilinishicha, qurbonlar yosh juftlik bo‘lib, yahudiy muzeyidagi tadbirni tark etayotganda otib tashlangan. Politsiya otishma avvaldan rejalashtirilgani va maqsadli bo‘lganini ma’lum qilgan. Otishma sodir etishda gumonlangan 30 yoshli chikagolik Elias Rodriges qo‘lga olingan. U hujumdan keyin “erkin, ozod Falastin”, deb qichqirgan.
Isroilning AQSHdagi elchisi Yexiyel Leiter qurbonlar oila qurishni rejalashtirganini aytgan. AQSH prezidenti Donald Tramp qotillikka antisemitizm sabab bo‘lganini taxmin qilgan.
Antisemitizmga asoslangan Vashingtondagi bu dahshatli qotilliklariga chek qo‘yish kerak! AQSHda nafrat va radikalizmga o‘rniga yo‘q. Halok bo‘lganlarning oilalariga chuqur ta’ziya bildiraman. Bunday voqealar sodir bo‘lishi juda achinarli! Yaratgan barchangizni asrasin! deb yozgan u Truth Social ijtimoiy tarmog‘ida.
Hodisa oqibatida politsiya yirik reyd o‘tkazgan va shaharning bir nechta asosiy ko‘chalari yopilgan. Isroil elchixonasi vakili ikki xodim muzeydagi tadbirda ishtirok etayotganda “yaqin masofadan” o‘qqa tutilganini aytgan. Isroil elchisi otishma vaqtida muzeydagi tadbirda bo‘lmagani aytilmoqda.
Izoh (0)