Вашингтон штатидаги яҳудий музейи олдида 21 май куни Исроил элчихонасининг икки ходими отиб ташланди. Бу ҳақда BBC хабар берди.
Маълум қилинишича, қурбонлар ёш жуфтлик бўлиб, яҳудий музейидаги тадбирни тарк этаётганда отиб ташланган. Полиция отишма аввалдан режалаштирилгани ва мақсадли бўлганини маълум қилган. Отишма содир этишда гумонланган 30 ёшли чикаголик Элиас Родригес қўлга олинган. У ҳужумдан кейин “эркин, озод Фаластин” деб қичқирган.
Исроилнинг АҚШдаги элчиси Ехиел Леитер қурбонлар оила қуришни режалаштирганини айтган. АҚШ президенти Дональд Трамп қотилликга антисемитизм сабаб бўлганини тахмин қилган.
Антисемитизмга асосланган Вашингтондаги бу даҳшатли қотилликларига чек қўйиш керак! АҚШда нафрат ва радикализмга ўрнига йўқ. Ҳалок бўлганларнинг оилаларига чуқур таъзия билдираман. Бундай воқеалар содир бўлиши жуда ачинарли! Яратган барчангизни асрасин! деб ёзган у Truth Social ижтимоий тармоғида.
Ҳодиса оқибатида полиция йирик рейд ўтказгн ва шаҳарнинг бир нечта асосий кўчалари ёпилган. Исроил элчихонаси вакили икки ходим музейдаги тадбирда иштирок этаётганда “яқин масофадан” ўққа тутилганини айтган. Исроил элчиси отишма вақтида музейдаги тадбирда бўлмагани айтилмоқда.
Изоҳ (0)