TeleMessage xavfsiz korporativ yozishmalar xizmatiga ruxsatsiz kirgan xaker 60 ga yaqin amerikalik amaldor, jumladan, AQSH prezidentining milliy xavfsizlik bo‘yicha yordamchisi Mayk Uoltsning ma’lumotlarini qo‘lga kiritgan. Bu haqda Reuters agentligi xabar bermoqda.
Ma’lumotlarga ko‘ra, tarmoqqa AQSH Bojxona xizmati, AQSH Maxfiy xizmati xodimlari va Oq uyning kamida bitta xodimi bilan bog‘liq yozishmalar sizib chiqqan. Barcha xabarlar taxminan 4-may sanasiga tegishli. Shuningdek, agentlik tarqalgan telefon raqamlarining qariyb yarmi o‘z egalariga tegishli ekanligini aniqlagan, ammo aniq maxfiy ma’lumotlarni topa olmagan
Ta’kidlanishicha, ba’zi suhbatlar yuqori lavozimli amerikalik amaldorlarning safar rejalari haqida bo‘lgan. Chatlardan biri “POTUS (AQSH prezidenti), Rim — Vatikan, hukumat matbuot xizmati” deb nomlangan bo‘lib, u AQShning Vatikandagi delegatsiyasini muvofiqlashtirish bilan bog‘liq bo‘lgan. Boshqa bir chatda amaldorlarning Iordaniyaga safari muhokama qilingan
Xabarlari tarmoqqa tushib qolgan bir qator moliyaviy kompaniyalar ma’lumotlar sizib chiqishi faktini va ularning haqiqiyligini tasdiqlashgan. Oq uy vakillari Smarsh (TeleMessage egasi) kompaniyasida yuz bergan kiberxavfsizlik bilan bog‘liq hodisadan” xabardor ekanliklarini aytishgan, biroq agentlikka ushbu xizmatdan foydalanish bo‘yicha izoh berishdan bosh tortishgan.
Izoh (0)