AQSH Suriyaning muvaqqat hukumati tez orada qulashidan ogohlantirdi

AQSH davlat kotibi Marko Rubio 20-may kuni Suriya muvaqqat hukumati qulash arafasida turganini ma’lum qildi. Bu haqda Al Arabiya xabar berdi.

Endilikda Tramp ma’muriyati Turkiyada joylashgan AQSH diplomatlariga Damashqdagi mahalliy amaldorlarga qanday yordam kerakligini aniqlab, o‘zlari mustaqil qaror qabul qilishga ruxsat beradi.

“Biz bu hukumatning muvaffaqiyatga erishishiga yordam bermoqchimiz. Chunki bundan boshqa muqobil yo‘l — keng ko‘lamli fuqarolar urushi va tartibsizlik. Bu, albatta, butun mintaqani beqarorlashtiradi,” dedi Rubio amaldorlarga.

Rubio Suriya hukumatiga murojaat qilar ekan, Shara’a hukumati ulkan muammolarga duch kelayotganidan ogohlantirdi. Bir necha oy emas, balki bir necha hafta ichida potensial qulash va epik miqyosdagi keng ko‘lamli fuqarolar urushi bo‘lishi umuman olganda, mamlakatning bo‘linishi haqida ham to‘xtalib o‘tilgan.

Shu bilan birga, kotib Suriya Yaqin Sharqdagi o‘nlab yillar davomida turli dinlar yonma-yon yashagan kam sonli joylardan biri ekanini ham aytgan.