Андижон вилояти Марҳамат туманида улкан чинор Cobalt устига қулади. Бу ҳақда вилоят ЙҲХБ хабар берди.
Маълум бўлишича, ҳолат 26 май куни соат 13:20 ларда, Марҳамат тумани “Дукчи Эшон” МФЙ Ипак йўли кўчасида содир бўлган. 1993 йилда туғилган I.Ф. ўзининг Cobalt’ини қатнов қисмининг четига қўйиб тушлик қилиш учун ошхонага кириб кетган вақтида, об-ҳаво кескин ўзгариб, кучли шамол эсиши оқибатида чинор дарахти ушбу автомашина устига қулаб тушган.
Ушбу бахтсиз ҳодиса оқибатида ҳеч кимга тан жароҳати етказилмаган, автомашина техник шикастланган.
Тошкентда содир бўлган кучли шамол оқибатида дарахт фуқарони босиб қолган эди. Ҳодиса оқибатида фуқаро вафот этган. Шифокор Мурод Қодировнинг таъкидлашича, шифохонага дарахт босиб қолган икки нафар бемор олиб келинган.
“Улардан бири оғир аҳволда олиб келинган ва шифохона қабулхонасида вафот этган. Иккинчи беморимизда бош-мия жароҳати мавжуд. Узоқ муддатли жарроҳлик амалиёти ўтказилди. Ҳозирда беморнинг аҳволи стабил-оғир, реанимация бўлимида даволанмоқда”, дейди шифокор.
Маълумот учун, 23 май, жума куни тонггида пойтахтда кучли чангли шамол кузатилганди. Шунингдек, Тошкент шаҳрида 17 май куни тушдан кейин чанг бўрони кузатилган эди.
Изоҳ (0)