Португалияда 240 мингга яқин Lego детали ёрдамида дунёдаги энг йирик шаҳарча қурилди. У Гиннеснинг рекордлар китобидан жой олди.
PDL компанияси мазкур рекордни қайд этган. Шаҳарча майдони 70,614 квадрат метрни ташкил этади. Таққослаш учун бу ҳудудга тўрт машинани бемалол жойлаштириш мумкин — ҳаттоки бир оз бўш жой ҳам ортиб қолади. Шаҳарча ҳақиқий одамлар яшайдиган шаҳарлар каби деярли ҳамма нарсага эга.
Lego шаҳарчада аэропорт, қурилиш кранлари, Big Ben услубидаги соат минораси, чиқинди ташиш машиналари, автомобиллар, автотураргоҳлар, боғлар ва бошқалар мавжуд. Ҳатто шаҳар атрофи ва қишлоқ жойлари ҳам ободонлаштирилган, бу эса улкан шаҳарни тўлақонли микрорайонга айлантиради.
Шаҳарда ҳатто сёрфинг ишқибозлари спорт билан шуғулланадиган, кемалар қатнайдиган сув ҳавзаси ҳам бор. Кўл атрофида ижодкорлар жамоаси Lego шаҳри “аҳолиси” дам оладиган пляж қурган.
Гиннеснинг рекордлар китоби вакиллари ҳисоб-китобларига кўра, шаҳарчада 366 та транспорт воситаси, 176 та дарахт, 2328 та гул ва бошқа кўплаб деталлар мавжуд.
Изоҳ (0)