Мичиган штатидаги Tesla Cybertruck пикапи эгаси кутилмаган сабаб туфайли автомобилининг кузови бузилганидан шикоят қилди. Унинг сўзларига кўра, Tesla’нинг ташқи қисмини оддий дарахт ширасидан тозалаб бўлмаяпти. Эркак барча доғни бартараф этадиган воситаларни синаб кўрди, аммо унга ҳатто расмий дилер маркази ҳам ёрдам бера олмади.
Тревис Столикер Cybertruck’нинг зангламас пўлат қопламасида дарахт шираси ва қатронидан қолган томчиларни кўриб қолган. Уларни оддий автомобиль шампуни, спирт ва махсус кимёвий воситалар ёрдамида тозалашга ҳаракат қилган. Бироқ излар кетмаган.
Дилер эса фақат Tesla’нинг расмий автокимёвий тозалаш воситаларини тавсия қилган. Бу воситалар аслида оддий дўконларда сотиладиганлари билан таркиби бир хил. Уларнинг сўзларига кўра, ишлаб чиқарувчилар пикапнинг ностандарт ва бўялмаган панелларига қандай парвариш кўрсатиш бўйича ҳеч қандай кўрсатма берилмайди.
Столикер ўзининг муаммоси ҳақида Cybertruck харидорлари бирлашган форумида бўлишди. Бошқа ҳайдовчилар ҳам кузовда қуш ахлати каби доғлар пайдо бўлганда уларни олиб ташлаш қийинлиги ҳақида шикоят қилишган.
Расмийлар муаммони тан олган, лекин уни ҳал қилиш учун аниқ кўрсатмалар ёки махсус воситалар йўқлигини маълум қилган.
Изоҳ (0)