“Манчестер Юнайтед” клуби “Брентфорд” ҳужумчиси Брайан Мбеумони харид қилиш бўйича расмий таклиф юборди. Бу ҳақда The Times нашри хабар бермоқда.
Манбага кўра, “қизил иблислар” камерунлик 25 ёшли вингер учун 60 миллион фунт стерлингдан ортиқ (тахминан 70 миллион евро) миқдорида пул таклиф қилган.
Бироқ “Брентфорд” Мбеумони бундан ҳам қимматроққа баҳоламоқда — клуб уни камида 70 миллион фунтга (81,9 миллион евро) сотмоқчи.
Мбемога бошқа клублар ҳам қизиқиш билдирмоқда. Аввалроқ “шпорлар” Мбеумога 65 миллион фунт ҳамда қўшимчасига 5 миллион бонус таклиф қилгани хабар қилинган эди.
Аммо 25 ёшли ҳужумчи “Манчестер Юнайтед”га ўтишга қарор қилиб, “Тоттенҳэм”, “Арсенал” ва “Ньюкасл” клубларининг қизиқишларини рад этди. Футболчи клуб раҳбариятига “қизил иблисларга” билан шартнома имзолашни хоҳлаётганини маълум қилган.
Ҳозирда “Манчестер Юнайтед” ва “Брентфорд” ўртасида бевосита музокаралар олиб борилмоқда. Шахсий шартномалар бўйича келишувга эришилган ва Мбеумонинг ҳафтасига 250 минг фунт (277 минг евро) маош олиши кутилмоқда.
Брайан Мбеумо 2024/25 йилги мавсумда барча мусобақалар доирасидаги 42 ўйинда майдонга тушиб, ўз ҳисобига 20 та гол ва 9 та голли узатма ёздириб қўйган.
Унинг “Брентфорд” билан амалдаги шартномаси 2026 йил ёзигача мўлжалланган. Transfermarkt портали маълумотига кўра, футболчининг қиймати 55 миллион еврони ташкил этади.
Изоҳ (0)