Футбол бўйича Англия Премьер Лигасининг 7-туридан ўрин олган ўйинлар 6 октябрь, якшанба куни бўлиб ўтди.
“Челси” ўз майдонида “Ноттингем Форест”ни қабул қилди. Учрашувнинг биринчи бўлимида ҳисоб очилмади.
Иккинчи бўлимнинг дастлабки дақиқаларида ҳужумга ўтган меҳмонлар ҳисобни очди. Крис Вуднинг 49-дақиқада урган голи “Ноттингем”ни олдинга олиб чиқди. 57-дақиқада Мадуэке ҳисобни тенглаштирди. Учрашувнинг 78-дақиқасида меҳмонлар бир киши кам бўлиб қолди аммо бу ҳам “аристократлар”ларга ғалабани ўз томонларига оғдиришга имкон бермади.
Шу тариқа Лондон клуб мавсумдаг иккинчи дурангни қайд этди.
“Манчестер Юнайтед” “Астон Вилла” меҳмони бўлди. Учрашувда ҳисоб очилмади. Иккинчи бўлимнинг бошида “Манчестер Юнайтед” ҳимоячиси Магуайр жароҳат олди.
Ушбу дурангдан сўнг тен Ҳаг шогирдлари очколари сонини 8 очкога етказди.
Изоҳ (0)