Футболчи Девид Бекҳэм, актёр Гари Олдман ва Тhe Who гуруҳининг солисти Рожер Доултрига рицар унвони берилди. Қирол Чарльз III нинг расмий туғилган куни муносабати билан давлат мукофотлари совриндорлари рўйхати Буюк Британия ҳукумати веб-сайтида эълон қилинди.
“Манчестер Юнайтед” клуби ва Англия терма жамоасининг 50 ёшли собиқ ярим ҳимоячиси спортдаги муваффақиятлари ва хайрия фаолияти учун тақдирланди. The Guardian хабарига кўра, Бекҳэм “бундай шарафга сазовор бўлишини ҳеч қачон тасаввур қилмаганини” айтди.
“Қора кунлар”, “Сид ва Ненси”, “Жосус, чиқиб кет!”, “Гарри Поттер” ва бошқа фильмларда рол ўйнаган 67 ёшли “Оскар” мукофотига сазовор бўлган актёр Гари Олдман ҳам драма санъатига қўшган ҳиссаси учун унвонга сазовор бўлди.
Бундан ташқари, Тhe Who рок гуруҳи асосчиси Рожер Долтри мусиқа ҳамда хайрия фаолияти учун ҳам тақдирланди. У кўп йиллардан бери ўсмирлар саратонига қарши курашиш жамғармасига ёрдам бериб келмоқда.
Жами 1200 нафар давлат арбоблари мукофот ва орденларга сазовор бўлди, улар орасида 77 ёшли қўшиқчи ва актриса, мусиқий фильмлардаги роллари билан машҳур бўлган Элейн Пейж, ёзувчи Пат Баркер, собиқ мудофаа вазири Пенни Мордонт ва бошқалар бор.
Энг кекса лауреат 106 ёшли виночилар клуби асосчиси Уилям Ирвин бўлиб, у жамият олдидаги хизматлари учун Британия империяси ордени медалини олди ва туғма мушак дистрофиясидан азият чекаётган 11 ёшли Кармела Чиллерй-Уотсон ногиронлар муаммолари ҳақида хабардорлик бўйича саъй-ҳаракатлари учун Британия империясининг энг ёш ордени соҳибига айланди.
Британия империяси ордени 1917 йилда Чарльз III нинг бобоси қирол Жорж V томонидан таъсис этилган. Мукофот беш даражага эга: орден кавалери, офицер, қўмондон, рицар-қўмондон ёки қўмондон хоним, шунингдек, Буюк Хоч рицари ёки Буюк Хоч хоним. Фақат охирги икки даража эркаклар учун “сер” ёки аёллар учун “хоним” олд қўшимчаси билан рицарлик унвонига ҳуқуқ беради.
Изоҳ (0)