“Манчестер Юнайтед” раҳбарияти ёзги трансфер ойнаси пайтида жамоани кучайтиришни режалаштирмоқда. Бу ҳақда Givemesport нашри хабар бермоқда.
Манбага кўра, “қизил иблислар” Европа Лигасида ғалаба қозонишни уддаласа, янги футболчиларни харид қилиш учун камида 200 миллион фунт стерлинг (салкам 250 миллион евро) сарфлайди. Инглиз клуби ушбу турнирда ғолиб бўлишни уддаласа, кейинги мавсум Чемпионлар Лигасида қатнашиш имкониятини қўлга киритади. Агарда, манкунианликлар Европа Лигасида имкониятни бой берса, у ҳолда клуб катта трансферларни амалга оширмайди.
Рубен Аморим шогирдлари Европа лигаси финалида Лондоннинг “Тоттенҳэм” жамоаси билан куч синашади. Ушбу баҳс 21 май, чоршанба куни Бильбаодаги “Сан Мамес” стадионида бўлиб ўтади.
Маълумот учун, айни пайтда “Манчестер Юнайтед” Англия Премьер Лигаси турнир жадвалида 39 очко билан 16-поғонани эгаллаб турибди. “Қизил иблислар” навбатдаги турда “Челси”га қарши майдонга тушади. Баҳс 16 май, жума оқшомида бўлиб ўтади.
Изоҳ (0)