Каталониянинг “Барселона” клуби “Манчестер Юнайтед” ҳужумчиси Маркус Рэшфордни ижарага олиш бўйича расмий таклиф тайёрламоқда. Бу ҳақда The Times нашрига таяниб Championat хабар бермоқда.
ОАВда “кўк-анорранглилар” Нико Уильямс трансферини амалга ошира олмаса, Рэшфордни қўлга киритиш учун ҳаракат қилиши ҳақида хабарлар тарқалган эди. Аммо Тҳе Timesъга кўра, бу икки футболчининг трансфери билан боғлиқ музокаралар алоҳида олиб борилмоқда.
Манбанинг қайд этишича, бу икки битим бир-бирига боғлиқ эмас ва улар бирини амалга ошириш бошқасига тўсқинлик қилмайди. “Барселона” бош мураббийи Ҳанси-Дитер Флик Рэшфордни марказий ҳужумчи сифатида, полшалик Роберт Левандовски учун муносиб ўринбосар сифатида кўрилмоқда.
Аввалроқ “Барселона” Испания терма жамоаси аъзоси Нико Уильямсни харид қилишга яқин тургани ҳақида хабарлар тарқалган эди.
Маълумот учун, Рэшфорд 2024/25 йилги мавсумнинг иккинчи қисмини ижара асосида “Астон Вилла” сафида ўтказиб, ёзда “Манчестер Юнайтед”га қайтди. Манкунианликлар футболчини сотиб юборишга қарши эмаслигини билдирган.
Изоҳ (0)