Футбол бўйича Англия Премьер Лигасининг 9-туридан ўрин олган қатор ўйинлар 27 октябрь, якшанба куни бўлиб ўтди.
“Челси” ўзида “Ньюкасл”ни қабул қилди. Учрашувнинг 18-дақиқасида Николас Жексон ҳисобни очди. 32-дақиқада эса Александер Исак ҳисобни тенглаштиришга муваффақ бўлди.
Иккинчи бўлим бошида Коул Палмер лондонликларни яна ҳисобда олдинга олиб чиқди. Қолган дақиқаларда дарвозалар дахлсиз қолди ва “Челси” 2:1 ҳисобида ғалаба қозонди.
“Манчестер Юнайтед” эса “Вест Ҳэм”га қарши баҳс олиб борди. Учрашувнинг биринчи бўлимида дарвозалар ишғол этилмади.
Иккинчи бўлимда эса “Вест Ҳэм” футболчиси Саммервилл ҳисобни очди. 81-дақиқада Каземиро ўртадаги мувозанатни тиклади. 90+2-дақиқада Боуэн пенальтидан унумли фойдаланиб, “Вест Ҳэм”ни ҳисобда олдинга олиб чиқди. Ўйин охирига қадар шу ҳисоб сақланди ва “Манчестер Юнайтед” меҳмонда мағлубиятга учради.
“Тоттенҳэм” сафарда “Кристал Пэлас”га 0:1 ҳисобида мағлуб бўлди. Ўйиндаги ягона гол 31-дақиқада Матета томонидан киритилди.
АПЛ
9-тур
27 октябрь, якшанба
“Челси” — “Ньюкасл” 2:1
Голлар: 1:0 – 18 Жексон, 1:1 – 32 Исак, 2:1 – 47 Палмер.
“Челси”: Санчес, Жеймс, Колуилл, Фофана, Гюсто (Кукуреля, 78), Лавия (Фернандес, 72), Кайседо, Палмер, Нету, Мадуэке (Мудрик, 67), Жексон (Нкунку, 78).
“Ньюкасл”: Поуп, Холл, Берн, Шер, Ливраменто, Бруно Гимараэс, Тонали (Лонгстафф, 68), Жоэлинтон, Барнс (Уиллок, 68), Альмирон (Мерфи, 68), Исак.
Огоҳлантиришлар: Фофана (11), Шер (22), Лавия (54), Тонали (64), Мадуэке (66).
“Вест Ҳэм” — “Манчестер Юнайтед” 2:1
Голлар: 1:0 – 74 Саммервилл, 1:1 – 81 Каземиро, 2:1 – 90+2 Боуэн (пенальти).
“Вест Ҳэм”: Фабиански, Эмерсон, Килмен, Мавропанос (Тодибо, 46), Уан-Биссака, Родригес, Алварес, Солер (Саммервилл, 46), Лукас Пакета (Соучек, 46), Боуэн, Антонио (Ингз, 71).
“Манчестер Юнайтед”: Онана, Мазрауи (Линделеф, 84), Мартинес, де Лигт, Диогу Далот, Каземиро, Эриксен (Зиркзе, 79), Гарначо, Бруну Фернандеш, Рэшфорд (Диалло, 59), Ҳейлунд.
Огоҳлантиришлар: Лукас Пакета (25), Мавропанос (30), де Лигт (59), Саммервилл (74).
“Кристал Пэлас” — “Тоттенҳэм” 1:0
Гол: 1:0 – 31 Матета.
“Кристал Пэлас”: Ҳендерсон, Гехи, Лакруа, Чалоба, Эзе, Сарр (Нкетиа, 67), Митчелл, Мунёс, Лерма (Хюз, 22), Уортон (Камада, 88), Матета.
“Тоттенҳэм”: Викарио, Удожи, ван де Вен, Ромеро, Порро, Мэддисон (Ришарлисон, 62), Биссума (Бентанкур, 87), Кулусевски (Сарр, 62), Мур (Вернер, 62), Соланке, Жонсон.
Огоҳлантиришлар: Матета (32), Кулусевски (37), Мунёс (41), Жонсон (52), Лакруа (61), ван де Вен (65), Хюз (77), Ришарлисон (85).
Изоҳ (0)