Англиянинг “Манчестер Юнайтед” клуби ўз футболчиси — 27 ёшли ҳужумчи Маркус Рэшфордни сотиш бўйича “Реал Мадрид”га расмий таклиф юборди. Бу ҳақда Дефенса Central нашри хабар бермоқда.
Манбанинг ёзишича, “қизил иблислар” ушбу трансфердан 40 миллион евро даромад олишни мўлжалламоқда. Айни пайтда “Реал Мадрид” янги ҳужумчи излаётгани маълум, бироқ Рэшфорднинг ўйин услуби “қироллик клуби” тактикасига тўлиқ мос келмайди.
Хабарда қайд этилишича, мадридликлар жамоани Хоселуга ўхшаш услубдаги марказий ҳужумчи билан кучайтиришни истамоқда. Рэшфорд эса асосан қанотларда тўп суради ҳамда захирадан майдонга тушиб, ўйиннинг тақдирини ўзгартириб юборадиган футболчи сифатида қаралмаяпти.
Шунингдек, “Манчестер Юнайтед”нинг янги бош мураббийи Рубен Аморим Рэшфордни келаси мавсум режаларига киритмаган. Шу боис у трансферга қўйилган футболчилар рўйхатига киритилган.
Маркус Рэшфордга “Барселона” ҳам қизиқиш билдирган. Бироқ каталонияликлар 40 миллион евролик нархни юқори деб баҳоламоқда. Агар томонлар нарх борасида келишувга эришса, “Барселона” Рэшфордни сафга қўшиб олиши мумкин. Бироқ клуб уни асосан захира варианти сифатида кўрмоқда. Агар “Барселона” “Ливерпуль” футболчиси Луис Диасни қўлга кирита олмаса, Рэшфорд билан шартнома имзолашга уриниб кўради.
Изоҳ (0)