Британиянинг машҳур спорт нашри FourFourTwo 2025 йил ҳолатига кўра, дунёнинг энг кучли ҳужумчилари рейтингини эълон қилди. Биринчи ўринни “Реал Мадрид” ва Франция терма жамоаси аъзоси Килиан Мбаппе эгаллади.
Мбаппе ўтган мавсумда “қироллик клуби” таркибида УЕФА Суперкубоги ва Қитъалараро кубок (яъни Клублар ўртасидаги Жаҳон чемпионати)ни қўлга киритди. У барча мусобақаларда 56 ўйинда майдонга тушиб, 43 та гол муаллифига айланди.
Иккинчи поғонадан “Бавария” ҳужумчиси Ҳарри Кейн жой олган бўлса, кучли учликка “ПСЖ” футболчиси Усмон Дембеле якун ясади.
“Манчестер Сити” ҳужумчиси Эрлинг Ҳоланд эса 5-поғонада қайд этилган. Чунки “шаҳарликлар” ўтган мавсум ҳеч қандай соврин қўлга киритмади.
FourFourTwo рейтингига кўра, 2025 йилнинг энг кучли 10 нафар ҳужумчиси:
- Килиан Мбаппе – “Реал Мадрид”
- Ҳарри Кейн – “Бавария”
- Усмон Дембеле – “Пари Сен-Жермен”
- Александр Исак – “Ньюкасл Юнайтед”
- Эрлинг Ҳоланд – “Манчестер Сити”
- Роберт Левандовски – “Барселона”
- Лаутаро Мартинес – “Интер”
- Виктор Дёкереш – “Спортинг”
- Омар Мармуш – “Манчестер Сити”
- Хулиан Алварес – “Атлетико Мадрид”
Рейтингда классик марказий ҳужумчилар билан бир қаторда, қанотда ўйнаб ҳужумда фаол иштирок этадиган футболчилар ҳам ўрин олди. Айниқса, Исак, Дёкереш ва Мармуш каби номи камроқ тилга олинадиган футболчиларнинг кучли ўнликка киргани, уларнинг сўнгги мавсумдаги ёрқин ўйинини тасдиқлайди.
Мбаппенинг ушбу рўйхатда етакчилик қилаётгани эса унинг ҳозирги ҳолатда футбол оламидаги энг хавфли ва самарали ҳужумчи эканини яна бир бор исботлайди.
Изоҳ (0)