FIFA 2029 йилдан бошлаб Клублар ўртасидаги Жаҳон чемпионатини 48 та жамоага кенгайтириш масаласида музокара олиб бормоқда. Бу ҳақда Sport-Express нашри хабар берди.
Манбага кўра, агар 2025 йилда АҚШда бўлиб ўтадиган турнир муваффақиятли ўца, FIFA 2029 йилги мусобақани янада кенгроқ форматда ташкил этиш имкониятини кўриб чиқади.
FIFA Европа клублари учун ҳозирча 12 та квота ажратган. Агар бу квотани ўзгаришни иложи бўлмаса, Европанинг бошқа кучли клубларига турнирда қатнашиш имкони бўлмайди. Шунинг учун, FIFA 12 та ўринни ўзгартирмаса, бу қитъадаги йирик клубларни жалб қилишнинг ягона йўли — мусобақадаги жамоалар сонини кўпайтириш бўлади. Айни пайтда “Барселона”, “Арсенал”, “Ливерпуль”, “Манчестер Юнайтед” ва “Милан” каби номдор клублар турнирда қатнашишга қизиқиш билдирган. Шу боис ташкилот жамоалар сонини ошириб, унга бўлган эътиборни янада кучайтиришни мақсад қилган.
2029 йилги турнирнинг формати ва иштирокчиларга оид музокаралар 2025 йилдаги чемпионат якунлангач, ўтказилиши кутилмоқда.
Эслатиб ўтамиз, 2025 йилги Клублар ўртасидаги Жаҳон чемпионати 14 июндан 13 июлгача АҚШда бўлиб ўтади. Унда 32 та клуб 8 та гуруҳга бўлинган ҳолда иштирок этади.
Изоҳ (0)