Самарқандга турмушга узатилган андижонлик қиз келинлик хонадонидан ўлик ҳолда олиб келинди. Бу ҳақда “Миллар” дастурида хабар берилди.
Келтирилишича, 1994 йилда туғилган аёл 2 йил аввал Самарқанд вилоятининг Каттақўрғон туманига келин бўлиб тушган. Марҳуманинг онаси уларнинг оиласида ҳомиладорлик вақтидан буён кичик жанжаллар бўлиб турганини айтган.
“Боламнинг бўйида бўлганидан кейин уруш-жанжал бўладиган бўлиб қолди. У бола олдин уйланганини, битта боласи борлигини, хотини келиб-кетиб туришини билмагандик. Гулдек қизимни ўлик ҳолда олиб келдик. Экспертиза хулосасини ҳам билмадик.
Боламнинг ҳамма жойи кўкариб кетган. Ўзига ўзи қасд қилган бўлса, қандай қилиб оёқлари, қўллари, боши эзилиб кетади? Иложимиз йўқ, 2 кун бўлиб кетгани учун боламни кўмдик”, дейди аёл.
Бош прокуратуранинг маълум қилишича, ҳолат юзасидан Каттақўрғон шаҳар прокуратураси томонидан Жиноят кодексининг 103-моддаси билан жиноят иши қўзғатилиб, дастлабки тергов ҳаракатлари олиб борилмоқда.
Бу каби ҳолатлар сони ортди.
Хусусан, Тошкент вилоятида эр аёлини ўлгунича калтаклаб, вафотига сабабчи бўлгани ҳақида хабар берилган. Андижонда эса эркак жанжал сабаб хотинини ўлдирди.
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
- Наманганда эркак дўконда хотинини пичоқлаб ўлдирди.
- Сурхондарёда аёлига тазйиқ ўтказган эркак қамалди.
- Сурхондарёда 71 ёшли аёл ўз уйида ўлдириб кетилди
- Бухоролик эркак хотини билан ажрашишни талаб қилган аёлни ёстиқ билан ўлдирди
Изоҳ (0)