Хонанда Хуршид Расулов тўйларда бўлиб ўтган кўнгилсиз ҳолатлар ҳақида “IntervyuTV” YouTube каналида эълон қилинган суҳбатида маълум қилди.
Хуршид Расуловнинг айтишича, жамоадаги бир созанда йигит тўйга чиққан вақтида тўсатдан вафот этиб қолган.
Фарғонанинг Қувасой туманидан яхши созанда, олийжаноб Озодбек деган укамиз бор эди. Уч йил аввал, 32 ёшида Қашқадарёда тўйдан чиққанимизда тўсатдан ўлиб қолди. Ота-онасига нима дейман, деб ўша ерда қон босимим ошиб кетди. Кейинроқ докторлар укамизнинг “Юрагининг мазаси йўқ экан” деб айтишганди, деди хонанда.
Хонанданинг эслашича, ижодида “энг ёмон, энг шармандали тўй” ҳам бўлган.
Тўй бўлмаган, десак ҳам бўлаверади. Бир жойга бориб, келинни кутиб ўтирсак, келавермади. Кейин билсак, келин қочиб кетган экан. Куёв шумшайиб келди.
Уй эгалари қўшиқни айтайлик, одамлар ўтирсин, шунча дастурхон ёзиб қўйилган, деб тўйни ўтказганмиз, деди Хуршид Расулов.
Аввалроқ Хуршид Расулов тўқсонинчи йилларда “кўча” деб аталган жиноятчилар гуруҳи кучайиб, тўйлардаги артистлардан пул талаб қилишганини айтиб ўтган эди.
Изоҳ (0)