Хонанда Хуршид Расуловнинг “Интервью TB” YouTube каналига берган интервьюсида маълум қилишича, бундан 20 йил аввал клиплари “Ёшлар” телеканалида ҳеч қандай сабабларсиз эфирга узатилмаган.
2005 йилдан “Ёшлар” каналига умуман чиқармай қўйишди. Клип тайёрлаб олиб бораман, ўтмайди. Нимага ўтмайди? Ким томонидан мени чиқарилмасин, деган топшириқ бўлганини билмайман. Бир танишимиз “Нима қилгансиз ўзи”, деб сўради. Сабабини сўрасам, “Билмасам”, деб жавоб берганди, деди хонанда.
Унинг эслашича, кимдир унга битта тўйга боришини сўраган ва у буни рад этган.
Бир инсон (хонанда уни айнан кимлигини маълум қилмаган — таҳр.) менга “Тўйга бориб беринг”, деди. Бошида бормайман дедим, кейин ўша тўйга бордим ҳам. Қўлимда аниқ далил йўқ, лекин бошида рад қилганим мени “запрет”га тушишимга сабаб бўлгандир, деб ўйлайман, деди Хуршид Расулов.
Хонанданинг қўшимча қилишича, у “Ёшлар” телеканалида чиқарилмаса ҳам, давлат тадбирларида иштирок этишига ҳеч қандай монелик бўлмаган.
Мазкур суҳбатда Хуршид Расулов “кўча”га пул бермагани, борган тўйида келин қочиб кетгани, созанда тўсатдан вафот этгани ҳақида айтиб берган.
Изоҳ (0)