Танзаниянинг Килиманжаро вилоятидаги иккита автобус ўртасидаги даҳшатли тўқнашувда камида 38 киши ҳалок бўлди. Бу ҳақда Xinhua хабар берди.
Ҳодиса 28 июнь куни Саме туманида юз берган. Танга вилоятига кетаётган йўловчи автобус қарама-қарши йўналишда, яъни Самедан Мошига кетаётган микроавтобус билан тўқнашган. Шундан сўнг иккала автобусда ҳам ёнғин чиққан.
Воқеа жойидан 36 та жасад топилган, 23 нафар жароҳатланганлар эса зудлик билан шифохонага етказилган. Қутқарув ва қидирув ишлари давом этмоқда, деган Килиманжаро минтақавий ёнғин-қутқарув қўмондони Жеремиаҳ Мкомаги.
Дастлабки маълумотларга кўра, автобуслардан биридаги йўловчилар тўйга кетаётган бўлган. Автоҳалокатдан сўнг воқеа жойига ўт ўчирувчилар, полиция ва тиббиёт ходимлари жалб этилган.
Изоҳ (0)