Туркиянинг Измир провинциясида йирик ўрмон ёнғинлари авж олди, бир нечта аҳоли пунктларида истиқомат қилувчилар эвакуация қилинмоқда. Бу ҳақда İHА агентлиги хабар берди.
Ёнғин Мендерес ва Сефериҳисар туманлари ўртасидаги ўрмон зонасида келиб чиққан ва тезда тарқалган. Измир губернатори Сулаймон Элбан ҳозирча ёнғин назоратга олинмаганини айтган.
Шамол тезлиги соатига 70 дан 117 километргача ўзгариб туриши сабабли, афсуски, ҳаво техникасининг кўп қисми ишлай олмаяпти. Фақат 12 тоннадан сув таший оладиган иккита катта самолёт барқарор ишламоқда. Баъзида шамол тезлиги соатига 70 километрдан пасайганда, бошқа самолётларни ҳам ҳавога кўтариш имкони бўлади. Лекин, афсуски, вертолётлар ва қолган авиацияни ишга солиш имкониятимиз йўқ, деди у.
Губернаторга кўра, минтақадан ҳам, қўшни провинцияларда ҳам қуруқликдаги ўт ўчирувчилар гуруҳлари кучайтирилган. Қутқарув хизматлари ихтиёрида мингдан ортиқ киши, 122 та ўт ўчириш автомобили, 74 та сув ташувчи ва 84 та оғир техника мавжуд.
Расмийлар учта қишлоқни эвакуация қилган, Сефериҳисар туманидаги бир нечта кичик туманлар аҳолисини кўчириш бошланган. Ҳалок бўлганлар ва жиддий жароҳатланганлар йўқ. Аммо тутун сабабли айрим аҳоли тиббий ёрдамга мурожаат қилган. Измир провинциясидаги халқаро аэропорт фаолиятини тўхтатган. Кучли шамол оловни Газиэмир муниципалитети ҳудуди бўйлаб тезда тарқатмоқда.
Элбан ёнғинга қарши кураш қийин шароитларда давом этаётганини таъкидлаб, фуқароларни хавфсизлик чораларига риоя қилишга ва қутқарув хизматлари кўрсатмаларига амал қилишга чақирди.
-IalcMNof.avif)
--iVZPD6N.avif)
Изоҳ (0)