Туркияда йўл-транспорт ҳодисасидан жабр кўрган фуқаро Ўзбекистонга қайтарилди, деб хабар бермоқда Бош консулхона ахборот хизмати.
Қайд этилишича, Туркияда рўй берган йўл-транспорт ҳодисаси оқибатида оёғи синган ва оғир аҳволга тушиб қолган Ўзбекистон фуқаросига Бош консулхона томонидан ватанга қайтарилишида амалий ёрдам кўрсатилди.
Туркияга ишлаш мақсадида келган М.А. исмли фуқаро йўлни кесиб ўтаётган вақтда мотоцикл ҳайдовчиси томонидан уриб юборилиши натижасида оғир тан жароҳати олди. Жабрланган аёл моддий имкониятларининг йўқлиги ва яшаш жойисиз қолгани сабабли қийин аҳволга тушиб қолган эди.
Бош консулхона, Миграция агентлиги ҳамда Uzbekistan Airways АЖ билан ҳамкорликда беморнинг шифохона харажатларини қоплаш ва уни ватанга қайтариш ташкиллаштирилди.
Ўзбекистонга қайтарилган аёллар
- Россияда оилавий зўравонлик қурбони бўлган аёл ва унинг уч нафар фарзанди Ўзбекистонга қайтарилди.
- Россияда мушкул аҳволда қолган оила Ўзбекистонга қайтарилди.
- Россияда оилавий зўравонлик қурбони бўлган ўзбекистонлик аёлга ёрдам берилди.
- Россияда оғир вазиятга тушиб қолган ўзбекистонликларга ёрдам берилди
- Туркияда турмуш ўртоғи ташлаб кетган ўзбекистонлик аёлга ёрдам берилди
Ўзбекистонга қайтарилаётган фуқаролар
2025 йилнинг бошларида Россиянинг Тива Республикаси Оқ Довурак шаҳрида вақтинча ишлаётган тўрт нафар Ўзбекистон фуқароси ватанга қайтарилди. Фуқароларнинг яшаш жойида содир бўлган кучли ёнғин натижасида уларнинг ҳужжатлари, шу жумладан, паспортлари йўқолган.
27 февраль куни Маккада оғир касалликка чалинган ўзбекистонлик ватанга қайтарилди. Февраль ойи охирида Россияда икки боласи билан қийин вазиятда қолган аёл Ўзбекистонга қайтарилди.
2025 йил 5 март куни Россиянинг Владивосток шаҳрида оғир тан жароҳати олган Ўзбекистон фуқароси ватанга қайтарилди. Март ойининг ўрталарида Новосибирскдаги Бош консулхонаси кўмагида Россиянинг Саха республикаси Нерюнгри шаҳрида қийин ҳаётий вазиятга тушиб қолган она ва унинг тўрт нафар фарзанди Ўзбекистонга қайтарилди. 17 март куни ота-она қарамоғисиз қолган 10 нафар вояга етмаган бола Қозоғистондан Ўзбекистонга қайтарилди. Шунингдек, Россияда ота-она қарамоғисиз қолган 30 нафар бола Ўзбекистонга қайтарилди.
Изоҳ (0)