Франциянинг Шампан вилояти пойтахти Реймс шаҳрида электроскутер 10 қаватли турар жой блокини бузиб кириши оқибатида ўта шиддатли ёнғин содир бўлди. Бу ҳақда CNN хабар берди.
Ҳодиса оқибатида 4 киши ҳалок бўлган деб Франция расмийлари 7 июнь куни маълум қилган.
“13 ёшли бола 6 июнь куни эрта тонгда ёнғин бошланган 4-қаватдаги хонадондан ўзини ташлаб, ҳалок бўлган. Ушбу хонадондан топилган куйган жасад унинг 15 ёшли акаси бўлгани тахмин қилинмоқда. 8-қаватда яшаган 87 ёшли аёл ва унинг 59 ёшли ўғли тутунда бўғилиб ўлган”, деди Реймс прокурори Франсуа Шнайдер.
2 киши оғир жароҳат олган, жумладан, ҳалок бўлган болаларнинг ўгай отаси қаттиқ куйган, яна 26 нафари енгил жароҳатлар билан касалхонада даволанган, дея қўшимча қилинган.
Шнайдернинг айтишича, ёнғин тасодифан содир бўлганига шубҳа йўқ, у номаълум сабабларга кўра ёниб кетган скутердан тез тарқалган. Аккумуляторлар ёнғинларини ўчириш жуда қийин ва ўт ўчирувчилар 3 соатдан кўпроқ вақт давомида ёнғин билан курашди, дея таъкидланган.
Изоҳ (0)