Шимолий Ирландияда уч кеча кетма-кет оммавий тартибсизликлар бўлиб ўтди. Бу ҳақда CNN хабар берди.
Ижтимоий тармоқларда Ларне шаҳридаги дам олиш марказида юзларига ниқоб таққан ёшлар бино ойналарини синдирганидан кейин ёнғин чиққани тасвирланган видео ва суратлар пайдо бўлган.
Юзлаб ниқобли исёнчилар полицияга ҳужум қилиб, икки кеча давомида Баллймена шаҳрида полиция “ирқчилик безорилиги” деб қоралаган уйлар ва машиналарни ёқиб юборган. 32 нафар офицер яраланган.
Полиция ва зирҳли фургонлар 11 июнь куни кечқурун Баллймена йўлларини тўсиб қўйганда уларни 200 га яқин одам кузатиб тургани айтилган. Полиция фургонига 2 та тош отилган ва бир киши фургонни тепган.
Полиция фургонлари баланд овозда оломонни зўравонларга чора кўрилиши ҳақида огоҳлантирган. Зўравонлик дастлаб Белфастдан 45 километр узоқликда жойлашган Баллимена шаҳрида ўсмир қизга нисбатан жиддий жинсий зўравонликда айбланган 14 ёшли 2 бола ҳибсга олиниб, судга келтирилганидан кейин бошланиб кетганди.
Изоҳ (0)