Самарқанд вилояти Каттақўрғон туманида табиий газни ўғирлаган яширин цех фаолиятига чек қўйилди, деб хабар беради Бош прокуратура ҳузуридаги департамент.
Қайд этилишича, департаментнинг Каттақўрғон туман бўлими томонидан “Ҳудудгазтаъминот” Самарқанд вилояти ҳудудий филиали ходимлари ҳамкорлигида терговга қадар текширув ўтказилган. Текширувда “О.А.” МЧЖ раҳбари У.О. тумандаги “Энам яхши” қишлоғидаги нотурар бинода оҳак ишлаб чиқарувчи яширин цех ташкил этиб, тижорат мақсадида юқори босимли газ тармоғига ўзбошимчалик билан уланиб, 2 миллион 200 минг куб метр табиий газдан ноқонуний фойдаланиб, давлат ва жамият манфаатларига 3,4 миллиард сўм зарар етказгани аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Аввалроқ Каттақўрғон ва Оқдарё туманларида 727,6 млн сўмлик энергия ресурсларидан ноқонуний фойдалангани аниқланган эди.
Изоҳ (0)