Сирдарёдаги цехлардан бирида 5 млрд сўмлик табиий газдан ноқонуний фойдаланилди
Сирдарё вилоятида 5 млрд 25 млн сўмлик табиий газни ўғирлаган цех фош этилди, деб хабар берди Бош прокуратураси ҳузуридаги Иқтисодий жиноятларга қарши курашиш департаменти.
Фото: Бош прокуратураси ҳузуридаги Иқтисодий жиноятларга қарши курашиш департаменти
Маълум қилинишича, Янгиер шаҳрида “Й.З.” МЧЖ масъул шахслари “А.Жомий” МФЙ ҳудудидаги ишлаб чиқариш цехида умумий фойдаланишдаги табиий газ тармоғига ҳисоблагич приборларидан ташқари яширинча уланган.
Натижада давлат ва жамият манфаатларига 5 млрд 25 млн сўм зарар етказилган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Бу ҳолатлар деярли ҳар куни учрамоқда
Жиззахда 1,1 млрд сўмлик “свет”дан ноқонуний фойдаланган шахс ушлангани, бундан ташқари, учта вилоятда жами 628 млн сўмлик “свет”дан ноқонуний фойдаланиш ҳолатлари аниқлангани ҳақида хабар берилганди.
Аввалроқ Сирдарёда 683 млн сўмлик “свет”дан ноқонуний фойдаланган шахс ушланган эди. Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланганди.
Шу билан бирга, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди. Ангрендаги метан заправка 1,1 млрд сўмлик электр энергиясидан, Самарқанддаги метан заправкада 6,6 млрд сўмлик газдан ноқонуний фойдаланилгани аниқланган.
Изоҳ (0)