Андижон шаҳрида алюмин маҳсулотини қайта ишлаб чиқариш цехи 6,7 миллиард сўмлик табиий газдан ноқонуний фойдалангани аниқланди.
Хабар берилишича, ҳолат “Ўзэнергоинспекция” Андижон вилояти ҳудудий бошқармаси ва ҳуқуқни муҳофаза қилувчи органлар билан ҳамкорликда ўтказилган назорат тадбирида аниқланган. Андижон шаҳрида фаолият юритаётган “Б.С.З.” МЧЖ ҳуддудида фуқаро Й.А. ижара асосида алюмин маҳсулотини қайта ишлаш цехи ташкил этиб, ҳужжатларсиз, тўгридан тўғри газ тармоғига уланган.
Ушбу қоидабузарлик ҳолати бўйича далолатнома расмийлаштирилиб, дастлабки ҳисоб-китобларга кўра, давлат манфаатларига 6 миллиард 782 миллион сўм зарар етказилгани маълум бўлди.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Изоҳ (0)