Қашқадарё вилояти Қарши шаҳрида 232,8 млн сўмлик табиий газдан ноқонуний фойдаланган цех аниқланди. Бу ҳақда Прокуратура ахборот хизмати хабар берди.
Унга кўра, ҳолат Бош прокуратура ҳузуридаги департаментнинг Қашқадарё вилояти бошқармаси томонидан ўтказилган терговга қадар текширувда аниқланган. Фуқаро А.Н. ва бошқалар тегишли тартибда давлат рўйхатидан ўтмасдан Қарши шаҳри “Нақшаб” МФЙ ҳудудидаги хонадонда новвот ишлаб чиқариш цехини ташкил этишиб, умумий фойдаланишдаги газ тармоғига яширинча уланган ва жами 232,8 миллион сўмлик табиий газдан ноқонуний фойдаланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Аввалроқ Фарғона вилоятида 5 та новвойхона томонидан 771 млн сўмдан зиёд табиий газдан ноқонуний фойдаланиш ҳолатлари аниқланганди. Шунингдек, Тошкент вилоятида ишлаб чиқариш цехи 214 млн сўмлик газдан ноқонуний фойдалангани фош қилинганди.
Изоҳ (0)