АҚШ президенти Дональд Трамп 2030 йилгача камида 10 та янги ядровий реактор қуришни буюрди.
Бу ҳақда Оқ уй матбуот хизмати хабар берди.
Ҳужжатга кўра, Трамп “2030 йилгача тугалланган лойиҳалар асосида 10 та янги реактор қуриш”ни ишга туширишни буюрган, шунингдек, мавжуд реакторларда электр энергияси ишлаб чиқаришни 5 ГВт га ошириш бўйича топшириқ берган. Бундан ташқари, у Энергетика вазирлиги раҳбарига мудофаа вазири билан келишилган ҳолда Пентагон эҳтиёжлари учун ёпилган атом электр станцияларини қайта ишга тушириш ёки ўзгартириш имкониятларини баҳолашни топширди.
Америка маъмурияти раҳбари АҚШ Энергетика вазирлигига “атом энергетикасини қўллаб-қувватлаш бўйича фаолиятга устувор аҳамият бериш”, жумладан, “ёпилган атом электр станцияларини қайта ишга тушириш, ишлаётган атом станцияларида энергия ишлаб чиқаришни кўпайтириш ва илгари тўхтатилган реакторлар қурилишини якунлаш учун ресурслар билан таъминлаш”ни буюрди.
Бундан ташқари, Трамп Энергетика вазирлигига “ядро ёқилғисини етказиб бериш занжирининг барча жиҳатларини йўлга қўйиш” ва атом энергетикаси технологияларини ривожлантириш учун молиялаштиришни, жумладан, “грантлар, кредитлар ва инвестиция капитали” орқали биринчи ўринга қўйишни топширди.
Изоҳ (0)