Тайван ўзининг сўнгги ядровий реакторини ёпишга тайёргарлик кўрмоқда. Мамлакатнинг электр энергиясига бўлган эҳтиёжи 2030 йилга бориб 12-13 фоизга ошиши айтилган. Сунъий интеллектнинг кенг ривожланиши бунга сабаб қилинмоқда. Бу ҳақда Al Jazeera хабар берди.
Иқтисодиёт вазирлигининг хабар беришича, дунёдаги энг йирик ва энг қиммат яримўтказгич компанияси — Таиwан Семиcондуcтор 2030 йилга келиб Тайваннинг тахминан 23 миллион аҳолисининг тўртдан бир қисми ишлатадиган электр энергиясини истеъмол қилади.
Энергияга бўлган талабнинг кучайиб бориши Тайпейнинг 2050 йилга бориб атмосферага чиқинди чиқаришни нолга тушириш режасини йўққа чиқаради. Бу эса қайта тикланадиган энергия ишлаб чиқаришни ҳозирги 12 фоиздан тахминан 60-70 фоизга ошишига олиб келади. Таъкидланишича, энергия манбаи Тайван учун рақобатдош саноат ва атроф-муҳит борасидаги мақсадларга эришишнинг энг мақбул усулидир.
13 май куни Тайван қонун чиқарувчи органи атом электр станцияларига амалдаги 40 йиллик чекловдан ташқари фаолиятни давом эттириш учун лицензия олишга рухсат берган эди. Қонун лойиҳасини мухолифатдаги Гоминдан ва Тайван халқ партияси қабул қилди. 2016 йилда амалдаги ҳокимиятга келган Демократик прогрессив партиянинг мақсади эса “ядросиз юрт” яратиш ҳисобланади. Бу ҳуқуқий ўзгариш 18 май куни Мааншан атом электр станциясидаги сўнгги ишлаётган реакторнинг ёпилишига тўсиқ бўла олмайди.
Бош вазир Чо Жунг Тай агар хавфсизлик таъминланса ва жамоатчилик бу масала бўйича консенсусга эришса, Тайпей атом энергияси учун “очиқ” эканини маълум қилган. Аммо маҳаллий атом саноатини қайта тиклаш учун камида йиллар керак бўлади.
Маълумот учун, Тайван ўзининг фуқаролик ядровий дастурини 1950 йилларда АҚШнинг технологик ёрдами билан бошлаган. 1990 йилга келиб, давлатга қарашли Taipower электр фирмаси оролнинг электр энергиясига бўлган эҳтиёжининг учдан бир қисмидан ортиғини ишлаб чиқариш қувватига эга бўлган учта станцияни бошқарган.
Изоҳ (0)