Ўзбекистонда 2024/25-ўқув йилида 11-синфни 455,2 минг нафар ўқувчилар битириши маълум бўлди.
Миллий статистика қўмитасининг дастлабки маълумотларига кўра, 2024/25-ўқув йилда барча мулкчилик шакли бўйича умумий ўрта таълим ташкилотларини 11-синфини битириши кутилаётган ўқувчиларнинг умумий сони 455,2 минг нафарни ташкил этади.
Шундан 243,1 минг нафари қиз болалар. Жами 11-синф битирувчилари кўрсаткичи 2023/24-ўқув йилга нисбатан солиштирилганда 49,2 минг нафарга ёки 12,1 фоизга ошган. Ҳудудлар бўйича 2025 йилда умумий ўрта таълим ташкилотларини 11-синфини битириши кутилаётган ўқувчилар сони қуйидагича:
- Қорақалпоғистон Республикаси — 25 987 нафар;
- Андижон — 39 598 нафар;
- Бухоро — 23 619 нафар;
- Жиззах — 18 367 нафар;
- Қашқадарё — 44 670 нафар;
- Навоий — 13 427 нафар;
- Наманган — 37 476 нафар;
- Самарқанд — 51 875 нафар;
- Сурхондарё — 35 997 нафар;
- Сирдарё — 11 105 нафар;
- Тошкент — 35 764 нафар;
- Фарғона — 47 068 нафар;
- Хоразм — 29 074 нафар;
- Тошкент ш. — 41 132 нафар.
Ўзбекистонда 34 йилда умумий ўрта таълим ташкилотлари сони 2 610 тага кўпайгани маълум бўлди.
Йиллар кесимида умумий ўрта таълим ташкилотлари сони қуйидагича:
- 1990/91-ўқув йили бошида — 8 333 та
- 2000/01-ўқув йили бошида — 9 726 та
- 2010/11-ўқув йили бошида — 9 806 та
- 2020/21-ўқув йили бошида — 10 181 та
- 2021/22-ўқув йили бошида — 10 289 та
- 2023/24-ўқув йили бошида — 10 750 та
- 2024/25-ўқув йили бошида — 10 943 та.
“Сўнгги қўнғироқ” тадбирлари
Жорий ўқув йилининг охирги куни 25 май, якшанба — дам олиш кунига тўғри келгани сабабли “Сўнгги қўнғироқ” тадбирлари 24 май — шанба куни ўтказилиши белгиланган. Мактабгача ва мактаб таълими вазирлиги мактаблар жамоаларини, битирувчиларни, ота-оналарни тадбирлар жараёнида хавфсизлик қоидаларига риоя этишга чақирган. “Сўнгги қўнғироқ” тадбирларида валс тушишни тақиқланиши ҳақида хабар тарқалганди. Вазирлик матбуот хизмати валс тушиш тақиқланиши борасида ҳеч қандай ҳужжат йўқлигини, бироқ фарзандлари дарсдан сўнг қолиб рақс тушишни ўрганиши, тадбир учун қиммат кийимлар тиктириш, бунинг учун пул йиғиш ҳолатлари ота-оналар ҳақли эътирозларига сабаб бўлаётганини “Дарё”га билдириб ўтганди.
Изоҳ (0)