Халқаро фан олимпиадалари ғолиб ва совриндорлари учун пул мукофоти 5 карра оширилди

Президентнинг “Президент иқтидорли фарзандлари” ташаббусини амалга ошириш чора-тадбирлари тўғрисида”ги фармони қабул қилинди.

Фармон билан нуфузли халқаро олимпиадалар, халқаро олимпиадалар ва минтақавий халқаро олимпиадалар ғолиблари, уларнинг ўқитувчилари ва терма жамоалар раҳбарларига тўланадиган бир марталик пул мукофотлари миқдорига ўзгартиришлар киритилди. Унга кўра:

нуфузли халқаро олимпиадада:

• 1-ўрин (олтин медал) эгаллаган ўқувчиларга — БҲМнинг 2 500 баравари (ҳозирги вақтда 937,5 млн сўм) миқдорида;

уларнинг ўқитувчиларига — БҲМнинг 450 баравари (ҳозирги вақтда 168 млн 750 минг сўм) миқдорида;

терма жамоа раҳбарига — БҲМнинг 35 баравари (ҳозирги вақтда 13 млн 125 минг сўм) миқдорида;

• 2-ўрин (кумуш медал) эгаллаган ўқувчиларга — БҲМнинг 1 500 баравари (ҳозирги вақтда 562,5 млн сўм) миқдорида;

уларнинг ўқитувчиларига — БҲМнинг 250 баравари (ҳозирги вақтда 93 млн 750 минг сўм) миқдорида;

терма жамоа раҳбарига — БҲМнинг 25 баравари (ҳозирги вақтда 9 млн 375 минг сўм) миқдорида;

• 3-ўрин (бронза медал) эгаллаган ўқувчиларга — БҲМнинг 1 000 баравари (ҳозирги вақтда 375 млн сўм) миқдорида;

уларнинг ўқитувчиларига — БҲМнинг 150 баравари (ҳозирги вақтда 56 млн 250 минг сўм) миқдорида;

терма жамоа раҳбарига — БҲМнинг 15 баравари (ҳозирги вақтда 5 млн 625 минг сўм) миқдорида;

халқаро олимпиадада:

• 1-ўрин (олтин медал) эгаллаган ўқувчиларга — БҲМнинг 150 баравари (ҳозирги вақтда 56 млн 250 минг сўм) миқдорида;

уларнинг ўқитувчиларига — БҲМнинг 50 баравари (ҳозирги вақтда 18 млн 750 минг сўм) миқдорида;

• 2-ўрин (кумуш медал) эгаллаган ўқувчиларга — БҲМнинг 100 баравари (ҳозирги вақтда 37,5 млн сўм) миқдорида;

уларнинг ўқитувчиларига — БҲМнинг 35 баравари (ҳозирги вақтда 13 млн 125 минг сўм) миқдорида;

• 3-ўрин (бронза медал) эгаллаган ўқувчиларга — БҲМнинг 50 баравари (ҳозирги вақтда 18 млн 750 минг сўм) миқдорида;

уларнинг ўқитувчиларига — БҲМнинг 30 баравари (ҳозирги вақтда 11 млн 250 минг сўм) миқдорида;

минтақавий халқаро олимпиадада:

• 1-ўрин (олтин медал) эгаллаган ўқувчиларга — БҲМнинг 12 баравари (ҳозирги вақтда 4,5 млн сўм) миқдорида;

уларнинг ўқитувчиларига — БҲМнинг 50 баравари (ҳозирги вақтда 18 млн 750 минг сўм) миқдорида;

• 2-ўрин (кумуш медал) эгаллаган ўқувчиларга — БҲМнинг 8 баравари (ҳозирги вақтда 3 млн сўм) миқдорида;

уларнинг ўқитувчиларига — БҲМнинг 35 баравари (ҳозирги вақтда 13 млн 125 минг сўм) миқдорида;

• 3-ўрин (бронза медал) эгаллаган ўқувчиларга — БҲМнинг 6 баравари (ҳозирги вақтда 2 млн 250 минг сўм) миқдорида;

уларнинг ўқитувчиларига — БҲМнинг 30 баравари (ҳозирги вақтда 11 млн 250 минг сўм) миқдорида пул мукофотлари билан тақдирланади.

Маълумот учун, бугунги кунда энг нуфузли олимпиадада 1-ўринни олган ўқувчига БҲМнинг 500 баробари (187,5 млн сўм), халқаро олимпиада ғолибига БҲМнинг 150 баробари (56,25 млн сўм), минтақавий олимпиада ғолибига эса БҲМнинг 12 баробари (4,5 млн сўм) миқдорида пул мукофоти берилади.