ИИБ ходимини пичоқлаган шахсни ушлашда ёрдам берган фуқарога 10 млн сўм берилиши, ўзбекистонликларга АҚШ визаси талаблари енгиллаштирилиши кутилаётгани, Тошкентда фастфуд сабаб 10 ойлик чақалоқнинг чириган ичаги кесиб ташланиши – “Дарё” нашри 21 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Қашқадарёда 3 нафар адвокатнинг фирибгарлиги фош этилди
Улардан бири 2 фуқарога қўлланган қамоқ эҳтиёт чорасини бошқа эҳтиёт чорасига ўзгартириб бериш учун 4 минг доллар олган.
ИИБ ходимини пичоқлаган шахсни ушлашда ёрдам берган фуқарога 10 млн сўм берилди
Шунингдек, икки нафар ИИО ходимига “Аъло хизматлари учун” кўкрак нишони, бир нафар офицерга эса муддатидан олдин катта лейтенант унвони берилди.
Ўзбекистонликларга АҚШ визаси талаблари енгиллаштирилиши кутилмоқда
АҚШ фуқаролари учун Ўзбекистонда 30 кунлик визасиз режим жорий қилиш режалаштирилган.
Ўзбекистонда Ал-Беруний номидаги халқаро мактаб-интернат фаолияти йўлга қўйилади
Битирувчиларга шаҳодатнома билан бирга етакчи хорижий олийгоҳларга ўқишга кириш имконини берувчи халқаро таълим дастури дипломи берилади.
Тошкентда ЙТҲларнинг олдини олиш учун 2 млрд сўмдан ортиқ маблағ ажратилади
Пуллар кўча ва йўллар бўйлаб темир панжаралар ўрнатиш ҳамда қавариқ пиёдалар ўтиш жойларини ташкил қилишга сарфланади.
Тошкентда фастфуд сабаб 10 ойлик чақалоқнинг чириган ичаги кесиб ташланди
Она ўз боласига лаваш ва қовурилган картошкадан едирган.
Хорижда ўзбек миллий таомлари ресторани очадиганларга харажатнинг бир қисми қоплаб берилади
Фаолиятини йўлга қўйиш билан боғлиқ харажатларнинг 50 фоизи, бироқ 25 минг доллардан ошмаган миқдорида субсидия берилади.
Ўзбекистонда саратонга чалинган болалар 100 фоиз ихтисослаштирилган тиббий ёрдам билан қамраб олинади
Болалар саратони бўйича Марказий Осиёда ягона бўладиган академик хаб ташкил қилинади.
Шавкат Мирзиёев туркий давлатлар ҳамкорлигини ривожлантиришнинг муҳим йўналишларини кўрсатди
Президент Будапештда Туркий давлатлар ташкилотининг норасмий саммитида иштирок этди.
“Украина атрофидаги вазиятни дипломатия ва музокаралар йўли билан ҳал этишга қаратилган амалий саъй-ҳаракатларни қўллаб-қувватлаймиз” — Шавкат Мирзиёев
Ўзбекистон президенти Туркия президенти Ражаб Тоййиб Эрдўғоннинг бу борадаги муносиб ҳиссасини алоҳида эътироф этди.
Ўзбекистон президенти: “Инновацион лойиҳаларни рағбатлантириш учун қўшма венчур компаниясини ташкил этиш зарур, деб ҳисоблаймиз”
Шавкат Мирзиёев Туркий инвестиция жамғармасининг фаолияти сармоялар оқимининг фаоллашувига туртки беришини айтди.
Ўзбекистонда энг қиммат “чиройли” авторақам сотилди
Мазкур сумма 2025 йил бошидан буён қайд этилган энг юқори нарх сифатида қайд этилди.
Азиз Санжар “Туркий дунё бирлигига қўшган ҳиссаси учун” Алишер Навоий номидаги халқаро мукофоти билан тақдирланди
Шавкат Мирзиёев Азиз Санжарни самимий табриклади.
Тошкент метрополитени ходими ҳомиладор хотинини ўлдириб, каналга ташлаб юборди
У судда кўрсатма бериб, бу ишни қилишига сабаб бўлган ҳолатларни айтиб берди.
Уй кондиционерини ўрнатган, рул устида ош еган: Наманганда қоидабузар “блогер”ларга чора кўрилди (видео)
Яна бир ҳолатда Nexia уч ғилдиракда ҳаракатланган.
Жиззахда коррупцияга қарши курашишда масъулиятсизлик қилган раҳбарлар ишдан олинди
Улардан 9 нафарига ҳайфсан интизомий жазо чораси қўлланилди.
Андижонда дарс вақтида ўқувчи ўз ўқитувчисига мушт туширди (видео)
Бола ҳолат ҳақида айтиб бериб, ўзини ҳимоя қилганини таъкидлади.
Шавкат Мирзиёевнинг Венгрияга расмий ташрифи якунланди
Давлат раҳбари Словенияга жўнаб кетди.
Изоҳ (0)