Маросим Ўзбекистон Республикаси мадҳияси ижроси билан тантанали равишда бошланди. Тошкент шаҳридаги Amity университети директори Бобур Абдуллаэв битирувчиларни эришган ютуқлари билан табриклади ва уларни ўз орзулари сари одимлашда давом этишга ундади.
Маросимда битирувчилар, уларнинг оила аъзолари, дўстлари, профессор-ўқитувчилари, ходимлар ҳамда битирувчиларни битируви билан табриклаш учун йиғилган фахрий меҳмонлар иштирок этди. Битирувчилар ўқиш давомида кўрсатган кўмак ва йўл‑йўриқлари учун профессор-ўқитувчилари, устозлари, ҳамкасблари ва ота-оналарига миннатдорчилик билдириб, хотира учун суратга тушдилар.
2024 йилда Тошкент шаҳридаги Amity университетининг 161 нафар талабалари бакалавр даражасини олишга муваффақ бўлдилар. Бакалавр даражаси ахборот технологиялари, компьютер инжиниринги, иқтисодиёт, туризм бошқаруви ва бизнес бошқаруви каби йўналишларда таҳсил олаётган талабаларга тақдим этилди. Таъкидлаш жоизки, битирувчиларнинг 83 фоиздан ортиғи иш билан таъминланган бўлиб, уларнинг аксарияти ўз мутахассислиги бўйича Huawei, UzCard, Узтелеcом, АлоқаБанк, EPAM, UzAuto ва бошқа компанияларда ишлаб келишмоқда.
Тошкент шаҳридаги Amity университети Ҳиндистондаги энг йирик хусусий таълим гуруҳи бўлган “Amity Education Group” аъзоси ҳисобланади. Бугунги кунда “Amity Education Group” таркибига 11 та университет киради: Ҳиндистондан ташқари Лондон, Сингапур, Дубай, Ню-Ёрк, Сиэтл, Хитой, Абу-Даби ва Руминияда 25 та мактаб ва 16 та халқаро кампуслар мавжуд.
Тошкент шаҳридаги Amity университети Ўзбекистон Республикаси Президентининг 2019 йил 7 январдаги ПҚ-4097-сон қарори билан ташкил этилган бўлиб, 2019-2020 ўқув йилидан бошлаб ўз фаолиятини юритиб келади.
Айни пайтда Тошкент шаҳридаги Amity университетида 1000 га яқин талаба таҳсил олмоқда. Битирувчиларга Ўзбекистон Республикаси ва ундан ташқарида олий маълумот тўғрисидаги ҳужжат сифатида тан олинувчи Ҳиндистондаги Amity университетининг намунавий дипломи тақдим этилади.
Амитй университети 2024 йилги битирувчиларини эришган ютуқлари билан табриклайди ва уларга келажакдаги профессионал ва шахсий фаолиятида омад тилайди!
Телефон: (+998) 71 207 9006
Веб-сайт: ҳттпс://амитй.уз/
Instagram: @amity_tashkent
Telegram: @AmityUniversityТашкент
Facebook: @amityuniversityuz
YouTube: @AmityUniversityТашкент
Реклама ҳуқуқи асосида.
Изоҳ (0)