O‘zbekistonda 34 yilda umumiy o‘rta ta’lim tashkilotlari soni 2 610 taga ko‘paygani ma’lum bo‘ldi.
Milliy statistika qo‘mitasi ma’lumotlariga ko‘ra, 2024/25-o‘quv yili boshiga qadar mamlakatda umumiy o‘rta ta’lim tashkilotlari soni 10 943 tani tashkil etdi.
Ushbu ko‘rsatkich 1990/91-o‘quv yili boshiga nisbatan 2 610 taga oshgan. Yillar kesimida umumiy o‘rta ta’lim tashkilotlari soni quyidagicha:
- 1990/91-o‘quv yili boshida — 8 333 ta
- 2000/01-o‘quv yili boshida — 9 726 ta
- 2010/11-o‘quv yili boshida — 9 806 ta
- 2020/21-o‘quv yili boshida — 10 181 ta
- 2021/22-o‘quv yili boshida — 10 289 ta
- 2023/24-o‘quv yili boshida — 10 750 ta
- 2024/25-o‘quv yili boshida — 10 943 ta.
“So‘nggi qo‘ng‘iroq” tadbirlari
Joriy o‘quv yilining oxirgi kuni 25-may, yakshanba — dam olish kuniga to‘g‘ri kelgani sababli “So‘nggi qo‘ng‘iroq” tadbirlari 24-may — shanba kuni o‘tkazilishi belgilangan. Maktabgacha va maktab ta’limi vazirligi maktablar jamoalarini, bitiruvchilarni, ota-onalarni tadbirlar jarayonida xavfsizlik qoidalariga rioya etishga chaqirgan. “So‘nggi qo‘ng‘iroq” tadbirlarida vals tushishni taqiqlanishi haqida xabar tarqalgandi. Vazirlik matbuot xizmati vals tushish taqiqlanishi borasida hech qanday hujjat yo‘qligini, biroq farzandlari darsdan so‘ng qolib raqs tushishni o‘rganishi, tadbir uchun qimmat kiyimlar tiktirish, buning uchun pul yig‘ish holatlari ota-onalar haqli e’tirozlariga sabab bo‘layotganini “Daryo”ga bildirib o‘tgandi.
Izoh (0)