Жиззах вилоятида коррупцияга қарши курашишда масъулиятсизликка йўл қўйган раҳбарларга нисбатан тегишли чоралар кўрилади, деб хабар бермоқда Коррупцияга қарши курашиш агентлиги.
Маълум қилинишича, Коррупцияга қарши курашиш миллий кенгаши раиси Танзила Норбоева бошчилигида Шароф Рашидов туманида бўлиб ўтган сайёр мажлис якунида ўзига юклатилган вазифалар ижросига масъулиятсизлик билан ёндашган мактабгача ва мактаб таълими, соғлиқни сақлаш, банк соҳаларидаги турли даражадаги раҳбарларга нисбатан тегишли чоралар кўриш юзасидан Миллий кенгаш қарори қабул қилинди.
Унга кўра, жами 14 нафар раҳбардан 3 нафарини лавозимидан озод этиш, 9 нафарига ҳайфсан, 2 нафарини ротация қилиш чораларини қўллаш тавсия қилинди.
Ўзбекистондаги давлат хизматчиларида коррупцияга нисбатан муросасиз муносабатни шакллантириш, уларга “ҳалоллик вакцинаси”ни сингдириш ҳамда бу борада превентив механизмларни жорий этиш мақсад қилинган. Бу жамоатчилик муҳокамасига қўйилган 2025 йилга мўлжалланган давлат дастури лойиҳасида кўзда тутилган.
Ўзбекистонда давлат хизматчиларининг коррупцияга мойиллигини текшириш амалиётини жорий этиш таклиф этилаётгани ҳақида аввалроқ Коррупцияга қарши курашиш агентлиги директори Акмал Бурҳонов маълум қилганди.
Изоҳ (0)