O‘zbekistonda 2024/25-o‘quv yilida 11-sinfni 455,2 ming nafar o‘quvchilar bitirishi ma’lum bo‘ldi.
Milliy statistika qo‘mitasining dastlabki ma’lumotlariga ko‘ra, 2024/25-o‘quv yilda barcha mulkchilik shakli bo‘yicha umumiy o‘rta ta’lim tashkilotlarini 11-sinfini bitirishi kutilayotgan o‘quvchilarning umumiy soni 455,2 ming nafarni tashkil etadi.
Shundan 243,1 ming nafari qiz bolalar. Jami 11-sinf bitiruvchilari ko‘rsatkichi 2023/24-o‘quv yilga nisbatan solishtirilganda 49,2 ming nafarga yoki 12,1 foizga oshgan. Hududlar bo‘yicha 2025-yilda umumiy o‘rta ta’lim tashkilotlarini 11-sinfini bitirishi kutilayotgan o‘quvchilar soni quyidagicha:
- Qoraqalpog‘iston Respublikasi — 25 987 nafar;
- Andijon — 39 598 nafar;
- Buxoro — 23 619 nafar;
- Jizzax — 18 367 nafar;
- Qashqadaryo — 44 670 nafar;
- Navoiy — 13 427 nafar;
- Namangan — 37 476 nafar;
- Samarqand — 51 875 nafar;
- Surxondaryo — 35 997 nafar;
- Sirdaryo — 11 105 nafar;
- Toshkent — 35 764 nafar;
- Farg‘ona — 47 068 nafar;
- Xorazm — 29 074 nafar;
- Toshkent sh. — 41 132 nafar.
O‘zbekistonda 34 yilda umumiy o‘rta ta’lim tashkilotlari soni 2 610 taga ko‘paygani ma’lum bo‘ldi.
Yillar kesimida umumiy o‘rta ta’lim tashkilotlari soni quyidagicha:
- 1990/91-o‘quv yili boshida — 8 333 ta
- 2000/01-o‘quv yili boshida — 9 726 ta
- 2010/11-o‘quv yili boshida — 9 806 ta
- 2020/21-o‘quv yili boshida — 10 181 ta
- 2021/22-o‘quv yili boshida — 10 289 ta
- 2023/24-o‘quv yili boshida — 10 750 ta
- 2024/25-o‘quv yili boshida — 10 943 ta.
“So‘nggi qo‘ng‘iroq” tadbirlari
Joriy o‘quv yilining oxirgi kuni 25-may, yakshanba — dam olish kuniga to‘g‘ri kelgani sababli “So‘nggi qo‘ng‘iroq” tadbirlari 24-may — shanba kuni o‘tkazilishi belgilangan. Maktabgacha va maktab ta’limi vazirligi maktablar jamoalarini, bitiruvchilarni, ota-onalarni tadbirlar jarayonida xavfsizlik qoidalariga rioya etishga chaqirgan. “So‘nggi qo‘ng‘iroq” tadbirlarida vals tushishni taqiqlanishi haqida xabar tarqalgandi. Vazirlik matbuot xizmati vals tushish taqiqlanishi borasida hech qanday hujjat yo‘qligini, biroq farzandlari darsdan so‘ng qolib raqs tushishni o‘rganishi, tadbir uchun qimmat kiyimlar tiktirish, buning uchun pul yig‘ish holatlari ota-onalar haqli e’tirozlariga sabab bo‘layotganini “Daryo”ga bildirib o‘tgandi.
Izoh (0)