Karlo Anchelotti “Real Madrid” bosh murabbiyligidan ketadi. Bu haqda klub matbuot xizmati rasmiy bayonot berdi. 24-may kuni bo‘lib o‘tadigan “Real” – “Real Sosyedad” uchrashuvi italiyalik mutaxassis uchun Madrid klubidagi so‘nggi o‘yin bo‘ladi.
Klub rasmiy bayonotida italiyalik mutaxassisga chuqur minnatdorchilik bildirdi:
“Real Madrid” rahbariyati Karlo Anchelotti bilan “qirollik klubi”dagi faoliyatini yakunlash borasida kelishib oldilar. Klubimiz Anchelottiga chuqur hurmat va minnatdorchilik bildiradi. U “Real” va jahon futbolining buyuk afsonalaridan biri sifatida tarixda qoladi. 24-may kuni “Santyago Bernabeu” stadionida u bilan xayrlashuv kechasi tashkil etiladi, deyiladi xabarda.
Anchelotti 2021-yilda ikkinchi bor “Real”ga bosh murabbiy sifatida qaytgandi. Uning qo‘l ostida madridliklar La Liga, Ispaniya Kubogi va Superkubogini, 3 marta UEFA Chempionlar Ligasi va Superkubogini, shuningdek, 2 bor Klub o‘rtasidagi Jahon chempionatini g‘alaba qozongan.
Eslatib o‘tamiz, avvalroq Braziliya futbol konfederatsiyasi Anchelotti terma jamoaning yangi bosh murabbiyiga aylanishini e’lon qilgan edi.
Izoh (0)