Митти жодугарлар, келишган сеҳргарлар ва маккор жинларнинг саргузаштларини кўришни истасангиз, мазкур анимелар сиз учун.
“Сўнгги манзилга элтувчи Фрирен”
- Япония, 2023 йил.
- Аниме, фантазия, драма, саргузаштлар.
- Давомийлиги: 1 мавсум.
- IMDb: 8,9.
Сеҳргар элф Фрирен, жангчи Химмел, митти Айзен ва руҳоний Хайтердан иборат қаҳрамонлар жамоаси Иблислар қиролини мағлуб этади. 50 йил ўтгач, абадий Фрирен яна ҳамроҳлари билан учрашади. Химмел вафот этганда, қаҳрамон дўсти билан жуда кам вақт ўтказганини англайди. У билан яна бир бор мулоқот қилиш учун Фрирен ўлимдан сўнг руҳлар кўчиб ўтадиган дунёлар чегарасига саёҳатга отланади. Бунинг учун элф сеҳргар Ферн ва жангчи Штаркдан иборат янги саргузаштчилар гуруҳини тузади.
Ҳаммасидан ҳам кўра кўпроқ Фрирен ўзининг қобилиятларини такомиллаштириш ва ноёб афсунлар билан гримуарларни (сеҳр-жодулар китоби) топиш билан шуғулланади, шунинг учун бу анимеда сеҳр муҳим аҳамиятга эга. Фрирен, шунингдек, истеъдодли шогирти Ферннинг қобилиятларини ривожлантиради.
“Эртаклар”
- Япония, 2009-2019 йиллар.
- Аниме, фантазия, жангари фильм.
- Давомийлиги: 9 фасл.
- IMDb: 7,9.
Воқеа сеҳр-жоду ҳамма учун одатий бўлган хаёлий дунёда содир бўлади. Сеҳргарлар гилдия (бир хил ёки ўхшаш касблар ёки мақсадлардаги 10-15 кишидан иборат уюшма)га бирлашади ва турли топшириқларни бажариш орқали кун кўришади.
Бош қаҳрамон, оловли сеҳргар ва аждарлар қотили Нацу отасини излаб Фиор қироллигини ўрганади. Йўлда у сеҳргар Люси билан учрашади ва уни “Эртаклар” гилдиясига қўшилишга таклиф қилади. Муз сеҳргари Грэй, рицар қиз Эрза, яна бир аждарлар қотили Венди ва иккита сеҳрли мушук билан бирга улар турли саргузаштларга дуч келишади.
“Дорохедоро”
- Япония, 2020 йил - ҳозирги кун.
- Аниме, жангари фильм, комедия, фантазия, фантастика.
- Давомийлиги: 1 мавсум.
- IMDb: 8,1.
Дорохедоро дунёси иккига бўлинган. Биринчисида қудратли сеҳргарлар яшайди. Одамлар яшайдиган ва Туйнук деб аталадиган иккинчиси эса уларнинг тажрибалари учун синов майдони бўлиб хизмат қилади. Айнан шу ерда бош қаҳрамон — калтакесак бошли хотирасини йўқотган одам пайдо бўлади.
Уни Никайдо исмли қиз пайқаб қолиб, Кайман деб лақаб қўяди. Кайман — сеҳрга қарши иммунитетга эга бўлган Туйнукнинг ягона фуқароси. У хотирасини тиклай оладиган сеҳргарни топиш ниятида. Бунда қаҳрамонга Никайдо ва унинг боши ичида яшовчи кичкина одам ёрдам беради.
“Кики элтув хизмати”
- Япония, 1989 йил.
- Аниме, фантазия, комедия, саргузашт, оилавий.
- Давомийлиги: 1 соат 43 дақиқа.
- IMDb: 7,8.
13 ёшли афсунгар Кики мушуги Дики билан ота-онасининг уйини тарк этади. У тўлақонли сеҳргар бўлиш учун бир йил давомида Корико шаҳрида бошқа жодугарларсиз яшашни режалаштиради. У ерда маҳаллий новвой аёл Кики ёрдамида етказиб бериш хизматини ташкил қилади. Қаҳрамон Корико аҳолиси билан танишади ва янги дўстлар орттиради, аммо вақт ўтиши билан унинг сеҳргарлик қобилияти йўқола бошлайди.
“Кики элтув хизмати” — Ҳаяо Миязакининг бешинчи анимеси бўлиб, япониялик ёзувчи Эико Кадононинг худди шу номдаги болалар китобига асосланган. Миязаки мазкур ҳикоя орқали улғайиш, ўсмирликдаги руҳий ҳолат ва ўз-ўзини излаш ҳақида ҳикоя қилади.
“Мери ва жодугар гули”
- Япония, 2017 йил.
- Аниме, саргузашт, фантазия, оилавий.
- Давомийлиги: 1 соат 42 дақиқа.
- IMDb: 6,8.
Бир куни Мери ўрмонда жуда чиройли кўк гул топиб олади, натижада у сеҳрли кучга эга бўлади. Гуллар ёрдами билан у супургида одамларнинг кўзидан яширинган Эндор жодугарлар мактабига олиб кетилади. У ерда Мерини директор Шарлотта ўз ҳимоясига олади ва қиз сеҳр-жоду асосларини ўзлаштира бошлайди. Мери янги дўстига кўк гул ҳақида гапириб беради, шундан сўнг Шарлоттанинг қизга бўлган муносабати кескин ўзгаради. У Мерининг болаликдаги дўстини ўлдириш билан таҳдид қилиб, гулни олиб келишни талаб қилади.
“Сеҳргарлар академияси”
- Япония, 2017 йил.
- Аниме, комедия, фантазия.
- Давомийлиги: 1 мавсум.
- IMDb: 7,8.
Воқеалар Луна Нова сеҳргарлик академиясида содир бўлади. Ацуко Акко Кагари бутига ўхшаган буюк жодугар, сеҳрли дунё юлдузи Шайни Чариот каби буюк жодугар бўлишни орзу қилади. У 10 йил олдин Акко Чариотнинг спектаклида бўлган ва жуда таъсирланган. Ўшандан бери Шайни омма олдида бошқа кўриниш бермайди. Бир куни Акко сирли сеҳрли таёқ топиб олади. У Шайнига нима бўлганини аниқлаш учун таёқча кучидан фойдаланишга умид қилади.
Изоҳ (0)