1980 йилларнинг иккинчи ярми — 1990 йилларнинг биринчи ярмида вояга етган замонавий авлод учун телевидение қувонч манбайи эди. Ўша вақтда мультфильмлар шу қадар кўп эдики, баъзилари хотирада сақланиб қолган, баъзилари эса унутилган.
“Чарли Браун ва Снупи” (1983)
Снупини персонаж сифатида машҳур эмас деб бўлмайди — АҚШда у Стивен Кингдан тортиб, айнан унинг шарафига тахаллус олган Snoop Dogg’гача бўлган турли одамлар томонидан севилган култ персонаждир. Бироқ у ҳақидаги мультфильм катта муваффақиятга эришолмади.
“Инспектор Гаджет” (1983)
Минглаб, ҳатто ўн минглаб мосламалар жойлашган юқори технологияли шляпа кийиб юрувчи ғалати терговчи аслида одам эмас, балки киборг эканлигини билармидингиз? Болаликда бу ситкомни томоша қилганимизда, бунга деярли ҳеч ким эътибор бермаган. Барчага хушчақчақ Жон Браун саргузаштларини кузатиш ёқарди. У ҳар қандай даражадаги ёвузларнинг режаларини кетма-кет барбод қилар, шу билан бирга жиянини тарбияларди.
“Айиқча Винни ва дўстларининг янги саргузаштлари” (1988)
Баъзилар учун Винни Пух совет мультфильмидаги каби жигарранг эмас, балки сариқ рангда бўлган мультфильм болаликда анча яқин ва қадрдон бўлиб қолган. Ўша пайтда болалар бу ажойиб мультфильмни жуда яхши кўришарди, шу билан бирга ҳар ким ўз дидига мос қаҳрамонни топа оларди.
“Айёр коёт” (1949)
Баггс Банни, Даффи Дак, Порк Пиг, Тасман иблиси, мушук Силвестр билан Твити ва “Шум ҳайвонлар”нинг бошқа юлдузларининг барчаси томошабинларга озми-кўпми маълум. “Би-Бип қушча” ва уни еб қўйгиси келаверадиган коёт ҳақидаги мультфильмни катта ёшдаги томошабинлар эслашади.
“Рекс” (1967)
Дарвоқе, фақат америкача анимация эмас. Яна бир афсонавий Польша мультфильми — томошабинларнинг энг севимли қаҳрамонлардан бирига айланган ёқимтой кўппак ҳақидаги мультфильм ҳамдир. Айтганча, ҳозирги кунгача Рекс ҳақидаги мультфильм жуда яхши томоша қилинади.
“Пушти пантера” (1969)
Аслида Пушти Пантера бу — худди шу номдаги жиноий комедиялар сериясининг артефакти бўлган ноёб олмоснинг номи. Кейинчалик анимацион ҳайвон образи пайдо бўлди ва 1960 йилларнинг охирида у ҳақида анимацион сериал олинди. Энг муҳими, Пантера деярли ҳар доим жим туради. Генри Манчинининг машҳур мусиқаси у учун ҳаммасини айтади.
“Ик лақабли мушук” (1992)
Бизда Ик ҳеч қачон машҳур қаҳрамон бўлмаган, аммо АҚШда доимо атрофдагиларга ёрдам беришга ҳаракат қиладиган оқкўнгил бинафшаранг мушук ҳақидаги мультфильм ҳақиқий маданий ҳодисага айланди. Мисол учун, “Юлдузлар йўли” юлдузи Уилям Шетнер ва машҳур курашчи жаноб Ти учун Ик ҳақиқий кумир эди.
“Фантом 2040” (1994)
Ҳозир Питер Чун номини камдан-кам одам эслайди. “Фантом 2040” бу — экологик муаммолар билан шуғулланадиган камдан-кам учрайдиган суперқаҳрамон ҳақидаги тор доирадаги култ мультфильм бўлган. Бу жуда ажойиб мультфильм бўлиб, график жиҳатидан ҳозир ҳам кўплаб машҳур фильмлар билан баҳслаша олади.
Изоҳ (0)