Сўнгги ҳафталарда жаҳон прокатидаги энг қизиқарли янги фильмларни эътиборингизга ҳавола этамиз.
“Бўри одам”
Блейкнинг болалиги йиртқич одамхўр ҳайвон изғиб юрадиган қишлоқда ўтган. Йиллар ўтиб улғайган Блейк рафиқаси Шарлотта ва қизи Жинжер билан Сан-Францискода яшайди ва бедарак йўқолган отаси вафот этгани ҳақида хабар олади. У оиласини олиб ёзда ўрмонлар ва қайғули хотиралар билан қуршалган ўша уйга боришга қарор қилади. Уларнинг машинаси етиб келиши биланоқ баҳайбат махлуқ ҳужум қилади. Аммо асосий таҳдид махлуқ тишлаган Блейкда бошланади. Шарлотта ва Жинжер даҳшатли даражада ўзгарган эри ва отаси билан ёлғиз қолишга мажбур бўлишади.
“Яна ишга”
Эмили ва Мэтт бахтли эр-хотин бўлиб, икки фарзандини тарбияламоқда. Болалар ота-оналари қачонлардир Марказий разведка бошқармасининг махфий агентлари бўлганидан бехабар, улар оиласи учун хавфли хизматдан воз кечган эди. Эмили ва Мэтт вазият тақозоси билан эски ишига қайтишга мажбур бўлишганида улар биргаликда енгилмас жамоа эканликларини яна бир бор исботлайди.
Кемерон Диас карьерасидаги танаффусдан сўнг кинога шахдам қадамлар билан қайтди. “Яна ишга” бу — стандарт ва сюжетни олдиндан башорат қилиш мумкин бўлган, аммо ўзига хос жозибали оилавий комедия. Фильмда Диас ва Жейми Фокс тандемини кўриш мумкин, қизиқарли воқеалар ривожи оилавий ҳордиқ чиқариш учун айни муддао.
“Оқим”
Ер шиддат билан сув остида қолади. Шафқатсиз оқим ўз йўлида учраган ҳамма нарсани — ҳувуллаган уйларни, дарахтларни, тоғларни ва қочаётган ҳайвонларни ўз домига тортади. Фалокатдан ёлғиз тўқ кулранг мушук омон қолади. Тез орада у ўрмонда омон қолган бошқа ҳайвонларни учратади. Елканли қайиқ уларни капибара, ялқов, лабрадор кўппак ва котиб қуш янги синовлар ҳамда нажот сари олиб боради.
“Оқим” — латвиялик режиссёр Гинтс Зилбалодиснинг кам бюджетли мультфильми бўлиб, у кутилмаганда “Олтин глобус”да “Бошқотирма 2” ва “Ёввойи робот” каби картиналарни ортда қолдирди. Бу Нуҳ кемаси ҳақидаги ўзига хос ҳикоядир, фақат энди ҳар бир жонзот жуфтлиги билан эмас — фақат содиқ дўстлари билан. Ушбу мультфильмнинг жозибаси унинг соддалиги, ҳайвонларга берилган хатти-ҳаракатлар, овозлар, ҳиссиётларнинг ёқимли табиийлигидадир.
“Аччиқ ҳақиқат”
Пенси ғазаб, тушкунлик ва арзимас кўнгилсизликка нисбатан ҳам юқори сезувчанликдан азият чекади. Эри ва ўғли онасининг танқидига жавобан ортиқча сўз айтишдан қўрқишади, кўчада нотаниш одамлар билан можаролар осонгина жанжалга айланиб кетади, Пенсининг бутун дунёдан шикоят қилишидан эса деярли ҳамма тўйган. Аммо Пенсининг унинг бутунлай қарама-қаршиси, ҳаётни севадиган ва қувноқ Шантал исмли синглиси бор. У гўёки Пенсининг қийин феъл-атворига бардош бера оладиган ва унга чин дилдан ҳамдард бўладиган ягона инсон.
“Аччиқ ҳақиқат” британиялик ёзувчи Майк Лининг инсоннинг дунё ва яқинлари билан муносабатидаги мураккаб руҳий ҳолатини тадқиқ этувчи драмасидир. Бу барча тушунмовчиликларга қарамай, одамларни бирлаштирувчи сўзсиз муҳаббат ҳақидаги ҳикоя.
“Жиловланмас”
Америкалик курашчи Энтони Роблес ҳаёти ҳақидаги ҳаяжонли фильм унинг автобиографик китобига асосланган. У бир оёқсиз туғилган ва кейинчалик протездан воз кечиб, усиз ҳам ҳаётда ўз йўлини топишни ўрганган. Курашга бўлган кучли қизиқиши ёш йигитни барча қийинчиликларни инсоний куч билан енгиб, ўз устида тинмай ишлашга ундади. Бунинг натижасида у миллий чемпионатда ғалабага эришди.
Бен Аффлекнинг “Жиловланмас” фильми — анъанавий услубда ва таъсирли тарзда суратга олинган, ғоят илҳомлантирувчи ва руҳлантирувчи ҳикоя бўлиб, у Жаррелл Жером ижро этган қаҳрамонга нисбатан самимий ҳамдардлик ва ҳайрат уйғотади. Айтганча, суратга олиш жараёнида Роблеснинг шахсан ўзи Жеромнинг дублёри сифатида иштирок этган. Иккинчи даражали ролларни Женнифер Лопес, Бобби Каннаваледан тортиб Майкл Пеня ва Дон Чидлгача бўлган машҳур юлдузлар ижро этган.
Изоҳ (0)