Ҳар қандай фильмни кўрганда томошабин биринчи навбатда актёрларнинг ижросига ва фильм сюжетига кўпроқ эътибор қаратади, лекин ҳеч қайси фильм турли майда хатоликлардан холи эмас. Масалан, кадрда интерернинг кескин ўзгариши, қаҳрамонлар ташқи кўринишида нуқсонлар бўлиши, фильм ёки сериалдаги вақтга тўғри келмайдиган турли деталлар ҳам учраб туриши мумкин.
“Леон”
Матилда ва Леон столда ўтириб, сут ичаётгани тасвирланган кадрда қизнинг стаканидаги сут тўсатдан кўпайиб кетганини сезиш мумкин. Аммо ўсмир қиз стаканни тўлдиргани ҳақида ҳеч қандай овоз ва саҳна томошабинга кўрсатилмайди.
Матилда кийим алмаштираётган пайтда яна бир хатолик бор. Аввалига унинг орқа томонида жойлашган ювиниш хонасида ойнани кўришингиз мумкин, кейинги кадрда кўзгу йўқолиб қолади ва яна пайдо бўлади.
“Гладиатор II”
Люция Колизей деворларида: “Ҳаётдаги қилинган амаллар абадийликда акс садо беради” ёзуви бўлган қисмга олиб борилганда, бу ибора инглиз тилида битилгани маълум бўлади, аммо инглиз тили 5-асрда пайдо бўлган, фильмдаги воқеалар эса 3-асрда содир бўлади.
“Асаларичи”
Фильмдаги мантиққа тўғри келмайдиган энг ғайриоддий саҳналаридан бири шуки, унда махфий хизмат ишчиси орқа томондан кўрсатилади. Унинг елкасида эса “Махфий хизмат” деган ёзув бўлади. Аслида бундай ташкилот ходимлари иш жараёнида кўпинча махсус форма киймайди.
“Битлжус 2”
Битлжус билан Лидия ўртасида тузилган шартномадаги имзога эътибор беринг: у нафақат визуал жиҳатдан фарқ қилади, балки ҳужжатнинг турли қисмларида пайдо бўлади.
“Довюрак”
Кўпчилик мазкур фильмни томоша қилаётганида ушбу хатоликларни пайқамаган бўлиши мумкин: кадрлардан бирида отлар миниб кетаётган одамларнинг ортида замонавий машина пайдо бўлади.
“Ҳаёт-мамот ўйинлари: илонлар ва сайроқи қушлар балладаси”
Люси Грэй қаҳрамони саҳнада турганида, камера уни орқа фондан суратга олади. Бир оз вақт ўтгач, қиз микрофонни ташлаб кетаётганида, унинг ортида тўсатдан микрофон стенди пайдо бўлади.
Яна бир хатолик: Кориолан йўлни кесиб ўтганда, у асфалтдаги оқ чизиқ бўйлаб ҳаракат қилади. Бир неча сониядан кейин кўрсатилган карда эса у ўша чизиқнинг чап томондан кетган тасвир кўрсатилади.
“Юра даври дунёси: ҳукмронлик”
Бош қаҳрамонлар ойнаси синган вертолётда учиб кетади, аммо бирорта йўловчининг сочлари шамолдан ҳаракатланмайди. Сўнг улар вертолёт билан бирга сувга шўнғиб кетади, лекин ҳалокатдан кейин иккала йўловчи вертолётдан бутунлай қуруқ чиқиб кетади.
“Люси”
Ушбу фильмда аввалига бош қаҳрамоннинг қош қисми шилинган ҳолатда кўрсатилади, кейинги кадрларда Люси юзларида бирорта чандиқ кўринмайди.
“Қора рицар: афсонанинг қайтиши”
Туннелдан ўтишдан аввал Мушук аёл кўзойнагини тақиб олади, бироқ кейинги кадрларда уни яна кўзойнаклар ечилган ҳолатда кўрамиз.
Изоҳ (1)
Qachon bo‘lsa kinoladan xato topasila. O‘zbekiston shunaqa kino ishlab chiqarolmaydiku. Kindandir xato topish uchun o‘shaladan zo‘r bo‘lish kerak.