Ижтимоий тармоқларда тўй тадбирида бир қанча автомашина ҳайдовчилари йўл қоидаларини бузиб, томоша кўрсатгани акс этган видео тарқалди. Фарғона ЙҲХБ ҳолат юзасидан маълумот берди.
Қайд этилишича, ҳолат ўрганилиб, тўйда ҳаракат қоидаларини бузиб ҳаракатланган бир нечта транспорт воситалари ва уларнинг ҳайдовчилари аниқланди.
Ўртоғимизнинг тўйида гуруҳ бўлиб кортежда юрдик. Қилган ишимиздан пушаймонмиз, бошқа қайтарилмайди, дейди йигитлардан бири.
Ушбу ҳолатда иштирок этган ҳайдовчиларнинг баъзилари ҳаракатлари жиноят ишлари бўйича Қўштепа туман судида кўриб чиқилди. Ҳайдовчилар йўл безорилиги содир этган, яъни машиналари бошқа машиналарнинг ҳаракатига тўсқинлик қилиб, дрифт қилган, ўз йўналишида ҳаракатланиш йўлагини сабабсиз уч ва ундан ортиқ марта узлуксиз ўзгартирган.
Суд қарори билан уларга БҲМнинг 5 баробарида жарима ва 5 сутка қамоқ жазоси тайинланди.
- Бундан олдин Қорақалпоғистондаги тўйда танасини машинадан чиқариб тасвирга олган операторлар ва ҳайдовчи жаримага тортилган эди.
- Шунингдек, Андижонда 20 ёшли қиз машинадан танасини чиқариб ҳаракатланган.
- Самарқандда ҳаракатланаётган Gentraʼдан танасини чиқариб, сохта доллар сочган йигитларга чора кўрилгани тўғрисида хабар берилганди.
Изоҳ (0)