38 ёшли супермодел Роузи Ҳантингтон-Уайтли ва жангари фильмлар юлдузи Жейсон Стейтем Лос Анжелесда ўн бир йил яшагандан сўнг Лондонга қайтиб кетди, жуфтлик “болаларга камералардан йироқда тинч болалик бериш”ни истади. Бу ҳақда Роузи Тhе Times нашрига маълум қилди.
“Буюк Британияда яшаш биз учун жуда ёқимли. Кўчага чиқиб нон ёки қаҳва олиб келишимиз мумкин, бизни ҳеч ким таъқиб қилмайди. Лос Анжелесда эса уйдан чиқишимиз билан ортимиздан бешта машина келарди”.
Супермодел қўшимча қилди: “Биз Жейсон билан болалар бизнинг машҳурлигимиздан азият чекмаслиги муҳим деб ҳисобладик. Уларнинг камераларсиз нормал болалик кечиришларини хоҳлаймиз. Оммага очиқ ёки ёпиқ бўлишни Жек ва Белла ўзлари танлашлари керак. Бир кун келиб ўғлим сиз ва дадам мени ҳимоя қилмадингиз, деб айтишидан қўрқаман”.
Икки фарзандни тарбиялаётган жуфтлик учун тўй ҳозирча устувор аҳамиятга эга эмас, Роузи эр-хотин ўртасидаги 20 ёш фарқни илҳом манбайи деб атайди.
Изоҳ (0)