Туркияда Республика халқ партияси (CHP) раиси Ўзгур Ўзелга номаълум эркак ҳужум қилди. Бу ҳақда мамлакат ички ишлар вазири Али Ерликая хабар берди.
Али Ерликая ҳодисани қоралади ва ҳужум қилган шахс қўлга олинганини айтди.
Ўзгур Ўзелга қилинган ҳужумни кескин қоралайман ва унинг тезроқ соғайиб кетишини тилайман. Босқинчининг шахси аниқланди, у қўлга олинди, деган вазир.
Ҳужум қилган шахс 1959 йилда Газиантеп шаҳрида туғилган Селчук Тенгиўғли ҳисобаланади. У илгари икки фарзандини ўлдиргани, шунингдек, ўғрилик учун судланган. Эркак умрбод қамоқ жазосига ҳукм қилинган. Аммо 16 йил қамоқда ўтириб, шартли равишда озод қилинган. Ҳозир у қўлга олинган, ҳуқуқ-тартибот идоралари ходимлари томонидан сўроқ қилинмоқда.
Гувоҳларнинг айтишича, эркак мухолифат етакчисига “Мен буюк Усмонлилар авлодиман!” деб мушт туширган. Туркия президенти Ражаб Тоййиб Эрдўғон аллақачон жабрланган Ўзгур Ўзелга қўнғироқ қилиб, ҳамдардлик билдирган ва уни қўллаб-қувватлаган.
Таъкидланишича, юқоридаги ҳодиса Туркия Буюк миллий мажлиси раис ўринбосари Сирра Сурайя Ўндер билан видолашув маросими бўлиб ўтган Отатурк маданият марказидан чиқишда юз берган.
Изоҳ (0)