Саёҳат мавсуми яқинлашмоқда. Гўё ҳамма нарса тайёр: рўйхатлар тузилган, нарсалар тахланган, йўналишлар режалаштирилган. Лекин кетишдан олдин яна нимадир эсдан чиққандек туюлади. Сизга ёрдам берамиз, ушбу мақолада дам олишингиз қулай ва муаммосиз ўтиши учун бир нечта маслаҳатларни тўпладик.
Туркияда оёқ чалиштириб ўтириш
Туркияга ташриф буюрганингизда оёқларни чалиштириб ўтириш тавсия этилмайди, бу ҳурматсизлик сифатида қабул қилиниши мумкин, айниқса кекса одамларга нисбатан. Меҳмонхонада бундай ҳаракатларга эътибор берилмаслиги мумкин, лекин шаҳарда сайр қилишда эҳтиёт бўлиш керак. Жамоат жойларида, масалан, кафеларда ёки ресторанларда оёқ тагини кўрсатиб ўтириш маданиятсизлик деб ҳисобланади.
Грецияда беш бармоқ
Грецияда беш бармоқни кўрсатиш жуда қўпол ҳақорат ҳисобланади. Айниқса, хайрлашиш ёки саломлашишда қўл силкитганда эҳтиёт бўлиш керак, чунки Грецияда бу нотўғри тушунилиши мумкин.
Туркия ва Грецияда “Йўқ”
Бошқа тарзда талқин қилиниши мумкин бўлган яна бир имо-ишора: бу пастдан юқорига қараб бошни силкитиш ёки ҳаракатлантириш. Грецияда бундай имо-ишора инкорни англатади. Уни Туркияда ҳам учратиш мумкин, у ерда кўпинча кўтарилган қошлар билан бирга келади.
Грециянинг қадимий шаҳарларида пошнали пойабзал
Грециянинг қадимий шаҳарлари бўйлаб пошнали пояфзалда, айниқса, баланд пошнали туфлиларда юриш мумкин эмас. Бундай пояфзал кўп асрлик иншоотларнинг юзасига зарар етказиши мумкин. Археологик хазиналарни қулай оёқ кийимда ўрганиш яхшироқ.
Дубровникнинг эски шаҳарида чамадонлар
Дубровникнинг тарихий марказида ғилдиракли чамадонларни ташиш тақиқланган. Бунинг сабаби эски шаҳарнинг қопламаси тошли йўл билан қопланган. Ғилдираклари устида айланадиган чамадонлар қўшимча шовқин чиқаради. Шунинг учун бу ҳудудларда чамадонларни қўлда кўтариш керак.
Капридаги тақиқ
Капри оролида сланс оёқ кийимини кийиш тавсия этилмайди, чунки бу шовқин ва ғалати тарзда, услубга таъсир қилади. Канар оролларида қоидалар бир оз юмшоқроқ: слансда юриш тақиқланган, лекин уни денгиз бўйида, қирғоқда кийиш мумкин.
Японияда чой чақа
Япониядаги хизмат соҳаси ходимлари сайёҳларнинг уларга чой чақа қолдиришини кутмайдилар. Бу ҳатто ғалати ёки ҳақоратли бўлиб туюлиши мумкин. Японияликлар меҳмондўстлигига ва ўз меҳнатларига ҳурмат билан қарайдилар. Истисно сифатида хорижий сайёҳлар билан ишлашга одатланган гидлар бўлиши мумкин. Агар сиз барибир чой чақа қолдиришга қарор қилсангиз, унда пулни конвертга солиб, икки қўлингиз билан бериб, бир оз эгилиб саломлашингиз яхшироқ.
Таиландда ибодатхоналарда пойабзал
Таиланддаги турар жойга, ибодатхонага ёки саройга киришда биринчи одоб-ахлоқ қоидаси — пояфзални ечишдир. Бу одобли ишора хонани ифлосланишдан ҳимоя қилишга қаратилган. Таиланд уйларига ва ибодатхоналарига киришдан олдин пойабзални ечмаслик ҳурматсизлик ҳисобланади. Баъзи ресторанларда ҳам оёқ кийимни ечишни сўрашлари мумкин.
Таиландда чиғаноқлар
Кўпгина сабабларга кўра, чиғаноқларни ва маржон бўлакларини уларнинг табиий яшаш жойидан йиғиш мумкин эмас. Биринчидан, бу минтақанинг экологиясига таъсир қилади. Бундан ташқари, глобал исиш туфайли Таиланддаги маржонлар сони камайиб бормоқда. Чиғаноқларни йиғиш ва олиб чиқиш учун жарима ёки ҳатто ҳибсга олиш жазоси белгиланган.
Изоҳ (0)