Ўзбекистон президенти Шавкат Мирзиёев ва Туркия президенти Ражаб Тоййиб Эрдўғон 30 март куни телефон орқали мулоқот қилди. Давлат раҳбарлари Рамазон ҳайити муносабати билан бир-бирларини самимий қутлади. Бу ҳақда президент матбуот хизмати хабар берди.
-uvjK9QF5.avif)
Давлат етакчилари қардош халқларга тинчлик, фаровонлик ва равнақ тилади. Мулоқотда Ўзбекистон-Туркия кенг қамровли стратегик шериклик муносабатларини янада ривожлантириш ва мустаҳкамлашнинг долзарб масалалари кўриб чиқилди.
Барча даражаларда фаол мулоқотлар давом этаётгани қайд этилди. Давлатлар ўртасида товар айирбошлаш ва инвестициялар ҳажми, қўшма лойиҳа ва корхоналар, тўғридан-тўғри авиақатновлар сони кўпаймоқда.
Олий даражадаги Стратегик ҳамкорлик кенгашининг бўлажак навбатдаги йиғилиши ва Туркий давлатлар ташкилотининг режадаги саммитига тайёргарлик кўришга алоҳида эътибор қаратилди.
Ўзбекистонда бўлажак Ҳукуматлараро комиссия йиғилиши ва қўшма бизнес форумини, шунингдек, Туркия Буюк миллат мажлиси делегациясининг Парламентлараро иттифоқ Ассамблеясининг 150-сессиясида иштирок этиш учун ташрифини самарали ўтказиш муҳимлиги қайд этилди, дейилади президент матбуот хизмати хабарида.
Шавкат Мирзиёев ва Ражаб Тоййиб Эрдўғон халқаро аҳамиятга молик долзарб масалалар юзасидан ҳам фикр алмашган.
Изоҳ (0)