“Наполи” ҳужумчиси Ромелу Лукаку ўзининг идеал вазни қанча эканлигини айтди.
Футболчининг айтишича, у “Интер”да 101 килограмм эди. Ҳозир эса “Наполи”да унинг вазни 99 килограмм.
“Идеал вазним 102 кг. Эрталаб турганимдан кейин ҳеч нима емайман ва диетага қатъий амал қиламан.
Англияда мени нотўғри қабул қилишди. У ердагилар мени дангаса деб аташди. Ҳа, мен танқидларга эътибор бермайман. Кам гапираман ва воқеликларга кам реакция кўрсатаман. Ўз ишимни қилиб, оиламга, фарзандларим ёнига қайтаман.
Италияда мен ҳақимда умуман бошқача фикрда. Бу ердагилар мени меҳнатсевар деб аташади”, деди Лукаку.
Маълумот учун, Лукаку жорий мавсум Италия А Сериясида 25 та ўйинда 9 та гол уриб, 7 та голли узатма муаллифи бўлди.
Изоҳ (0)