“Наполи” ҳужумчиси Ромелу Лукаку Италия А Сериясида урилган голлар сони бўйича Криштиану Роналдуни ортда қолдирди. Бу ҳақда Euro-Football нашри хабар бермоқда.
31 ёшли белгиялик футболчи “Эмполи”га қарши баҳсда (3:0) ўз даражасини яна бир бор намоён этди — футболчи учрашувда битта гол ва икки голли узатма муаллифига айланди. Ҳозирда Лукаку А Серияда 82 та гол муаллифига айланиб, Роналду натижасидан ўтиб кетди. Португалиялик ҳужумчи ўз ҳисобига 81 гол ёзиб қўйишни уддалаган.
Шуни таъкидлаш лозимки, Лукаку бундай натижага 159 ўйинда эришган бўлса, Роналду 98 учрашувда 81 марта рақиб дарвозасини ишғол қилган.
Эслатиб ўтамиз, Криштиану Роналду 2018–2021 йиллар оралиғида “Ювентус” сафида ҳаракат қилган. Лукаку “Наполи”га келгунига қадар “Интер” ва “Рома” жамоаларида тўп сурган.
Ушбу мавсумда Лукаку А Серияда 30 учрашувда майдонга тушиб, ўз ҳисобига 12 та гол ва 10 та голли узатма ёздириб қўйган.
Изоҳ (0)